Mah hi ataktak asi an ti, Dead Hand (Pere metre) timi hi vawlei donghter khawh Computer asi A ho hmanh nih Nuclear hmang in Russia an doh ngam/duh lo nak chan asi an ti,

Russia ram leng ah Dead Hand tiin theih mi, Russian pawl nih (Pere metre) tiin an auh mi hi, Russian hriamnam dang he tahchun ah cun hriamnam thabik cem le alar ngai mi zong asi lem lo, Amah belte cu minung thil tuah cang mi vialte ah chung ah tih anung bik le vawlei kan theih bantuk in donghtertu um chun arak si, Mah “Dead Hand” timi hi hriamnam bantuk in kan ruah Tank or meithalo bantuk si lo in, minung tel lo in hriamnam kengtu le controltu computer hi arak si, hriamnam an ken mi cu Russian Nuclear hriamnam thawng leng  khi asi.

Dead Hand nih hin Russian nuclear hriamnam vialte control asi, Computer a si bantuk in Nuclear hriamnam hmang in, Russia ram hi thuat/doh asi le si lo hi athei khawh mi hi asi, a thei khawhnak ding ah thil fakpi in puak mi vawlei chung in theihnak engine (seismic metre), nuclear hriamnam apuah hnu in, radiation arak chuak mi tahnak engine le phun dang dang hna hi ahmang thiam mi asi, Nuclear hmang in idohnak aphan ah cun atim mi le target hmasa bik ding cu, an ral hruaitu hna an si lai ruang ah, Dead Hand computer nih hin Nuclear hriamnam hmang in Russia thuat/doh asi timi atheih bak in, ralkap hruaitu le ram hruaitu hna sin ah signal akuat cawlh lai, mah signal hi acan/timing chung ah lehrul asi lo ah cun, Dead Hand nih hin thah chimit an sicang lai tiah ruah in, an kahnak ding tuaktan diam cang bantuk in mah ram ah Russia ram chung ah nuclear hriamnam um mi vialte hmang in lehrul/phuba lak (Second Strike) a lak cang laik hi asi.

Lehrul/phuba lak ning ding cu missile a kap chuak lai-I, mah missile nih hin Nuclear hriamnam chiahnak hmun dang dang hna cu, signal a kuat chih hnu ah minung nih tuah/tong tibantuk hna um ti lo in, Nuclear hriamnam pawl hi an mah tein an umnak hmun ceu in, automatic-in an umnak hmun in a kap chuak cang laik hi asi, Russia an ready hlan ah US-nih an nuclear hriamnam ngeih mi vialte 4,000 hrawng hmang in, Russia hi akah chiatter dih ko hmanh ah, Dead Head a um ruang ah hin Russia nih hin lehrul/phuba an lak thiamthiam ding asi, Dead Hand thawngpang hi than gai in zohkhen le athup te in chiah mi asi, Russia acoyah chung ah hruaitu bik le Officer sang hna zong nih tlamtling tein an thei dih lo tiah an ti fawn, mah pin ah akong hi adang theih khawh in a um lo, Tuah can ni thla zong fiangte in theih asi ti lo, Russia-nih Communism ah a um lio, USSR tiin a um lio le US he Cold War can lio hrawng ah tuah asi timi cu fiangte in theih asi.

Amah belte cu hmuh chuaktu le design tu zong theih fian asi ti lo, cheukhat nih achiat khawh lo nak ding ah, Head Hand hi computer pakhat longte tuah lo in hmun dang dang hna zong ah a um, computer tampi bantuk in tuah asi lai tiah zum mi an um fawn, Russian ralkap hruaitu lian asi can mi hna chim ning zong akhat lo a um, nain mah computer atuahnak chan cu, Russian pawl nih US-nih nuclear hmang in an thuat/doh an tih ruang ah asi timi zong an um, Russia nih hin Nuclear hriamnam hi 6,257 a ngei khi asi, Russian acoyah nih 1,456 long hi kah chuah khawh asi an ti fawn nain, A ho ram hmanh nih tu an Nuclear hriamnam kah chuah khawh zat theih fian asi lo, mah caah cun 1,456 nak tam hi zeitik can poh ah kah khawh asi an ti, mah Nuclear hriamnam phurtu missile-hna hi an thawng tuk caah kah chuah asi cang ah cun aho hmanh nih an khamh kho ti lo khi asi fawn.

Nuclear hriamnam le bomb tuah chuaktu US lei Scientist-hna nih Nuclear hriamnam 100 long hman asi zong ah vawlei pumpi le achung ah um minung le ramsa hna nih kan tuar ngaingai ko lai ati, mah nuclear hriamnam in mei chuak khu le vawleivut kilometer tampi ah, a vawrh choh hnu ah thli nih vawlei hmunkip ah akal pi lai caah, thla zeimaw zat chung cu Sun/n ikan hmu kho lai lo ati, Nuclear hriamnam puak hnu ah atuah mi radiation ruang ah, mah vawlei vutcam ruang ah minung caah ngandam lonak, meikhu le vutcam khu hi minung nih kan tuar taktak ko lai pin ah thih le lo tong ding long kan si lai, Nisa kan hmuh lai lo caah thlasik kiiktuk bantuk in a um lai, meh thlai hna cin khawh asi lai lo, mangtam atla ko lai timi cu alian ate in kan theih ceu ko, Boruak (atmosphere) zong pawh chiatnak angei lai caah, Nisa kan hmuh can ah cun alumtuk ning cu chim fian khawh zong asi lai lo.

Nuclear hriamnam100 te hmanh nih vawlei pi mah tluk an chiatter khawh ah cun, Nuclear hriamnam 6,267-ah 1,456 long hmanh nih lehrul/phuba an lak hmanh ah vawlei cung minung nih kan tuar kho taktak hnga maw? Tihi asi ko, vawlei minung dih lak in kan chimit lai lo timi hi aho nih dah achim khawh lai? Dead Hand ruang ah hin nuclear hmang in Russia hi doh asi ko hmanh ah tei khawh ding an si lo, ramdang hna ca zong ah thuat/doh ngam ding asi lo khi asi.