Mah zawn ruah lo in ram adawtu Donald Trump nih International Hotel Washington DC cu bye bye/mangtha tiah akal tak cang,

White House in ke he kal phak nak te ah um mi, Trump International Hotel cu zungzal caah a bye bye  cang, President lio ah khan mah Hotel ah hin Hungarian crystal ah wine glass 1, $140 man asi, vintage Macallan scotch zong $10,000 man asi, “hydrafacial” skin treatment zong $385 man bak asi, White House spokesman hlun Sean Spicer zong nih, mah hotel hi arak thangthat ve bak mi asi, Donald Trump nih kum 6 chung  ngeitu arak si, kum 4 President chung ah khan hlawknak ngei bak lo in an sumdawnnak nih atlak chiat phah kha asi cu mu.

Trump nih mah Hotel an ngeih mi ruang ah hin Democrats hna nih anrak soisel ngai ngai tawnnak zong asi, Thiltha tuahtu hi cu khawika kip ah soisel an tawn vet awn kha asi hrimhrim ko, cu bantuk in Trump zong nih an ram an dawt ning le ram caah tiah an sumdawnnak lei ah tampi asung mi cu aho hmanh nih an thei piak duh lo khi asi, mah Hotel ngeih ruang ah cun hlawknak tampi an ngei ti bnatuk hna hi an soiselnak asi ko cu! Mah caah cun Trump nih mipi soiselnak atamtuk caah hlawknak angei le ngei lo mipi theih bak in atu ah cun an Hotel ropi tuk mi cu US$ 375 million in azuar bak ko cu mu!

Trump nih kum 4 chung President lio ah khan 19th-century Romanesque revival-style hotel hi top donors, corporate lobbyists – foreign government officials hna umnak hmun le iton nak hmun asi tawn, Congress lei thil hlatthlaitu hna nih fiangtuk in ahmuh mi cu, kum 4 chung ah khan mah hotel ah hin China, Kuwait, Turkey, India, Brazil & Romania in hlawknak ahmuh mi hi USD 3.7 million longte asi, Trump nih a cawknak le repairnak ah adih mi zat hmanh an hmu rih lo khi asi, Trump’s presidency, lio ah khan mah hotel ah hin $70 million a hloh manh khi asi,  Trump Organization nih $375 million in an zuar cu Waldorf Astoria hna nih an cawk piak tiah thei asi, 2022 ah athar in open tuah ding ah timtuah asi.

Atu ah cun Trump International Hotel ngeih ruang ah Politician hna nih faktuk in an soisel tawnnak cu, Congress hlatthlaitu hna nih report fiang deuh in anrak langhter ah cun tu hlan ah anrak soisel tawn mi hna cu holh ngam bak lo in daidep in an um ko hna cu, mi nung hi kanrak mak ngai ngai ko mu, Asi nain Trump cu vawlei sawva asung ko hmanh ah mi dik asi nak le Acoyah tangka eihmuar ahmang bal lo timi cu fiang ngai ngai in mipi hmaika ah atu bantuk in reportnak nih alanghter cang caah Trump cu mipi lei nih anrak uar deuhdeuhnak dirhmun ah a dirthan bak ko tiah Congress report nih fiang ngai in arak langhter cang.