Mike Pence nih US Phunghram Artilce 25 nak Hmangin Trump Phuah a Duhlonak Kong Nancy Pelosi cu Bible ca cang in ca a Kuat

Mike Pence nih Bible ca cang ilak in Nancy Pelosi cu US Phunghrampi  25 Amendment hmangin Trump President sinak in thlak a duhlo nak kong a langhter. Pence nih hin Democratic hruaitu le House hruaitu bik Nancy Pelosi cu Trump phuah a duh lonak kong bible ca in lehnak a tuah. Mike Pence hi US phunghrampi 25 Amendment  hmangin Trump hi phuah siseh tiah heh tiah an nawr. Pence belte fek tein a dir i Bible ca cang hmangin Nancy Pelosi hi lehnak a tuah. Pence nih Nancy Pelosi cu a cakuat ah Bible ca cang hi langhter.

Pence nih Bible ca chungin Phungchimtu Dal 3 nak kha i lak in hi ti hin a langhter, ‘ Bible nih cun hi ti hin a chim ‘ Zeizong vialte nih caan an ngei dih, vairang toi i a ummmi vialte nih caan an ngei dih, dam ter caan cun sersiam caan’ Atu caan hi a si. Hri rai nih vawleipi a tuam lio le sipuaizi lei ah American tampi nih harnak an ton lio le January 6 i a poi tak tak mi thil a caan zoh ah, atu caan hi damter caan a si tiah ca a kuat. Cun a herh lo tuk le a caan lo tuk iphuahnak nih hin kan ram ah ithencheunak le buainak tu a tam chin lai tiah a langhter fawn.

Pence hi US Capitol ah buainak a um hnu khan US phunghrampi 25 Amendment hmangin Trump hi phuah dingin biatak tein nawlnak tuah a si. Pence nih hin hi thil hi tuah a duh lo nain US cozah hruatitu House lei nih cun zahan khan phuah dingin hnatlaknak an ngei cang. Tutan hi Trump nih a voi 2nak House lei in hi thil a ton hi a si. Asinain Senate lei ah Phuah tak tak le US President izuam kho ti lo dingin khamnak an tuah rih lo. Tuah zong zumh a si lo.

Senate ah hin Democratic party le Republican hi a zat hrawnghrang an si. Trump President in phuahnak kong ah hin  Republican lei in  Iowa Rep Ashley Hinson le bang nih cun  ‘ Zarh khat te lawng cozah thar a luh lai ah hibantuk iphuahnak nih  hin kan ram ah buainak le ithencheunak tu a karter lai, a tha lo tak takmi a si tiah a ti ve.