Min Aung Hlaing a lung a dong Tuk Cang.

Min Aung Hlaing nih a chimmi cu cozah zung riantuantu pawl nih nan zung kai pehzulh uhlaw, mipi cawlcanghnak CDM ah cheukhat nan i tel ti thawngpang kan theih. Mipi nih lemsoinak in CDM ah i tel ve lo dingin le zung kai than dih dingin forhfialnak le thawngthanh nak a tuah.

Cozah zung riantuan hna nih ningcang tein zung kai ding le zung riantuan dingah a chim. Min Aung Hlaing nih a chimhning a si ahcun cozah zung riantuantu hna nih zung kai loin an um taktak sual ahcun zei hmanh rian an tuan kho ti lai lo. Ka duh ning in Kawlram pumpi ka hruai lai i ka mer lai, tiah a chunmang pi zong tlam a tlin kho ti lai lo.

Ming Aung Hlaing nih ralkap uknak hramhram in a lak pimi hna cu nikhat hnu nikhat in tlam a tlin ti lo caah Min Aung Hlaing cu a lung a dong ruahmah ko cang, cozah rianțuan vialte nih an rian an țuan ti lo tikah zeihmanh a tuah kho ti lo, saram bantukin rampi mipi a kan hmutu vok le Ar bantukin ka duhmi paoh ka tuahter hna lai tiah aa ruat i a lungput khuachia bantuk a simi Min Aung Hlaing cu rampi mipi a vun hlam ruangmang manh ko, a ngaingai lo ah kawl ralkap nih zeidah an tuah khawh mi um. Cozah zung riantuan pawl nih zung kai loin an ngol i, mipi nih duhlonak an langhternak hmun kip ah an i tel peng ahcun ralkap uknak cu a sungh thuahmah ko lai.

Myanmar ram pumpi cozah rianțuan paohpaoh a hohmanh zung kai hlah u mipi he kan i bawm lai i kan tei hrimhrim ko lai atu tan an sungh cun a zungzal in an sung lan cang lai. Myanmar rampi cu a khupthal aa let ruahmah ko lai, an kan tei sual si cun a zungzal in Myanmar rampi cu kawl ralkap kut tangah aum cang lai, atu hi mipi nih caan țha bik kan ngeih lio caan asi. Cucaah, abik in mipi sawhsawh nakin cozah zung riantuan pawl hi nan biapit tuk hringhran lio caan te a si. Source: Cheery Par