Min thang ngai mi 2 hhna, Rev. Dr. David Yonggi Cho cu Bawipa sin ah hnangam tein adin cang, Abraham Lincoln nih Sal dirhmun in an luattter nak aruang?

Korea Pastor Yonggi Cho hi Khrihfa hna chung ah riantuannak ah minthang ngai mi le Local Church Biak in lian ngai mi ngei, Church menber nghahbik le tambik ngeih mi asi, An Khrihfa Bu ah hin minung 850,000 member an um, Pastor Rev. Dr. Yonggi Cho nih cun September 14.2021 Tuesday zing suimilam 7:13 Am ah khan Pathian hnangamnak chung ah adin cang, Yonggi Cho nih hin kum 85 chung in thawngtha bia vahvaipi asi, A kaltak an Khrihfa Bu member le amah suntu vialte hna Bawipa nih hnangam nak pe hram ko hna seh.

America President chung ah min thang bik asi mi Abraham Lincoln hi vawi 8 tiang thimnak ah asung, nain lungdongh bak lo in azuam ruang ah vawleipi nih hnangamnak kan ngei?

US President arak si cang mi chung ah minthang bik ah kanrak thei ceu mi, Abraham Lincoln kha vawikhat tlamtling lonak ah hnabei dong in um selaw, Serena Williams te, Micheal Jordan, Barak Obama le Ophrah Winfrey hna hi mirang kuttang ah sal/slave dirhmun ah adir rih lai lo tiah chim khawh asi lo.

Vawi 8 tiang thimnak ah tlam atling lo, vawi 2 sumdawnnak lei ah tlam tling lo in asung fawn, a tlangval lio ah achuahpi tawn a nupi ding ah ahamh cang mi nih athih tak fawn, vawlei cung ah amah tluk in nun hna beidonghnak long te hi aton mi hi atamtuk lai lo khi asi, Asi nain tlamtling lonak mah tluk an ton mi nih anun ah hin teinak angeih bak lo khi asi, beidong lo te in hruaitu thimnak dang dang ah vawi 8 reng lo tlamtling lo hnu ah cun, a vawi 9-nak ah kum 1860 ah khan US President 16-nak caah thim arak si.

Pathian nih ahman duh mi hi, mah lei ah mifel mitha ah aruah mi hna, mifim mithiam kasi atimi hna hi ram le miphun hruaitu caah Bawipa nih ahman theng lo timi hi Abraham Lincoln nun ah afiang ngai ko, Pathian auh mi theih fiannak angeih mi nih cun, hna beidonnak le tahnak ruam ah a um lio hmanh ah Bawipa sin ah beiseinak ngeih peng mi cung ah acan aphan tik ah cun, an cung ah mawhphurnak rian ropi ngai mi arak pek tawn tu khi asi tawn ko, Abraham Lincoln nih America ram minak pawl cu, mirang pawl sal ah um hi aruah tawn, nikhat can khat ah Pathian pek mi Covo level tein kalpi khawh hi a saduh thah tawn khi asi.

Mah caah cun vawlei ah mahtluk azuamnak cu asung peng ko nain, hnabei dongbak lo in hmailei cuanh in kar athlang pengnak cu, nihin ni ah vawleipi nih hnangamnak kanrak hmuh ceu nak zong asi, cu bantuk in mi tampi thlarau damnak angei lo mi hna hi aho nih dah khamhnak acoter khawh lai? timi hi Biaknak lei hruaitu hna zong nih mah le mah checking tuah peng hi abiapi ngai ve ko.

Mi beidongh nasi zong ah lung dong lo tein hmai lei panh peng in beiseinak he nikhat can khat ah nang zong nih naduh mi tlamtling tein hmuhnak can na ngei ve te lai mu!