N.Korea nih nuclear weapons turu tuk mi a ngeih cang programme kalpi peng timh asi tiah aphuang Biden nih chim ding angei maw?

American hna thin phang in umtertu le hrocertu N.Korea leader Kim Jong-un nih, an ram ralkap Parade ngeihnak ah bichim in, N.Korea nih Nuclear Prog-ramme a kalpi cuahmah lio cun, tunak thawng deuh in hmalak asi lai tiah achim, mah military parade ah (N.Korea armed forces’ founding anniversary) hmannak ah hin an ram hriamnam tha bikbik an ngeih mi hna phozar asi, can dang ah an tuah bal lo mi le hriamnam an phozar bal lo mi, intercontinental ballistic missiles (ICBMs) tiang in vawlei hmuh ah an phozar/chuahter dih asi, N.Korea nih hin tukum March thla ah khan an hriamnam tuah thar, tih anung fawn mi intercontinental ballistic missiles (ICBMs) cu tlamtling tein test ngei khawh asi.

Mah hriamnam hi N.Korea nih an test bak ah cun, vawleipi ahnginter bak ko, ram dang dang hna thin phan in an umter khi asi, soiselnak zong ram dang dang hna nih anrak chuah ko kha mu! United States nih N.Korea hi ICBMs an test hnu ah khan lam dang dang in, sanction-nak an chuah ve cawlh ko kha asi, mah hriamnam ICBMs N.Korea nih tlamtling tein an test ah hin, Unites States ram khawika hmun zong ah kap phak khawh dih asi, US cu minutes rauh hlan te ah fakpi in mah hriamnam hmang in chiatnak rapthlak tuk mi, N.Korea nih hin a phanter khawh tiah chim asi.

N.Korea armed forces’ founding anniversary ah hin submarine-launched ballistic missiles hmang in hypersonic missiles kahchuah khawhnak phozar asi fawn, North Korean leader Kim Jong- un hi an hmalak nak vawlei nih fakpi in soisel ko hmanh selaw, zeihmanh theih lo bantuk in a umter ko khi asi, Joe Biden biachim zong zei relpiak lo khi asi ko, Kim Jong-un nih an ram venhimnak ding caah le an ram thawnter deuh deuh nak ding ah, nuclear programme cu fakpi in an kalpi deuh deuh asi ko lai tiin, arak phuang than bak khi asi, mah long si lo, N.Korea President Kim nih cun an nuclear ralkap hna cu, zeitik can poh ah cawlcang khawh cawlh ding ah ready ter peng asi tiah, military parade ah hin a phuang than bak ko tiah official Korean Central News Agency (KCNA) nih tarlan asi.

N.Korea state media nih military parade tuah mi hi chuahter asi, an hriamnam ngeih thatha hna an phozar mi hna chung in, tanks, artillery, Hwasong-17 missile le an ram ralkap hna langhter asi fawn, N.Korea nih hin tukum hramthawh hrawng in hriamnam testnak an kalpi ngai ngai ko, Hypersonic, short-range le intermediate-range, long-range ballistic missiles tuah thar mi tlamtling ngai in test khawh asi cang fawn, hriamnam Hwasong-14 an timi cu  8,000km le 10,000km tiang kap khawh asi tiah an chim, United States khuapi lian le ropi hna kap phak dih khawh asi, N.Korea nih hin Hwasong-15 a ngei fawn, mah hi 13,000km akap phak khawh mi asi fawn.

Kan vawleipi hi hnangamnak a um ti lo pin ah, remdaihnak kan duh ceu ko na tein, ataktak ah cun, vawlei pi caah tih anung mi longte hriamnam le Nuclear tuah ah an i=el ko cang cu, mah hriamnam hna nih vawlei hi achiatter dih khawh timi zong theih bal lo mi minung fa kan um lai lo, mah tluk tih anung mi hriamnam cu tuah lo atha tiah an ti ceu ko, amah belte cu ngeih ceu an duh fawn tik ah, tangka ngei ram hna nih cun an ngeih dih ko cang, tangka ngei lo mi ram sifak hna nih an ngei lo khi asi ko, N.Korea nih anram mipi rawltam le ti hal in an um ko lio ah atu bantuk vawlei chaitternak hriamnam an ngei ko cu mu! Amak ngai ko, American mipi hna zong lungthin nuam lo ngai in an um ko.

source-bbc