Nihin Kawl Ralkap Uknak Duhlo Tu Lamzawhmi Minung an Tam Tak Tak Cang

Tuni Kawl Ralkap uknak duhlonak langhtermi cu an tam kho tak tak. Lam ah an khat dih ko. An tam kho tak tak si. Uar an um bak. Kawl ralkap nih Cozah uknak an lak ruangah duhlonak a phun phun in lanhgter asi. civil mi, sianghakchia le cozah riantuan hna zawng nih a lam kip in cozah duhlonak an langhter. Westtern ram pawl, le US zong nih biatak tein sual photnak an chim fawn. Hi kong he pehtlaiin White House bia puangtu Jen Psaki nih cun Myanmar ram chung ralkap uknak kong he pehtlaiin Ramdang cawlcang ning zong US nih a ngiat ko tiah a chim ve.

Mah lio ah US senate foreign relation hruaitu Committee lubik Robert Menendez zong nih US le ramdang hna nih myanmar ralkap hna hi phihkhamnak le thil dang dang pek an hau tiah a ruahnak a langhter ve.US le khawthlang ram pawl nih ralkap uknak duhlonak an chim len lioah Thilmak ngai simi cu Thailand Deputy PM Gen. Prawit Wongsuwon, kum 2014 lioah a mah le mah nawl ngeihnak aa pe mi nih cun myanmar ralkap nih uknak an lak mi cu ” Ramchung thil” asi tiah fawi telek te in a langhter.

Kawlram kiang kap ummi ram pawl nih ralkap uknak kong ah an biachim hi a dang cio ve. Singapore cozah nih cun, ralkap nih uknak an lakmi cu thil serious tak tak mi asi, tiah chim lioah Phillippine cozah nih cun “Myanmar ram buainak hi dawnghter zok zok a hau, sinain, buainak hi chunglei thil asi caah kan i rawlh ve a remlo” tiah a chim ve hawi.

A inpa India nih cun ralkap cawlcangh ningcu thil “deep concern” tiah chim in myanmar nih democracy lamthluan an zulh a duhnak a langhter. thil sining cang neihniam te in kan hlat cuahmah lio asi tiah ministry of external nih a langhter fawn. Myanmar ram kong kauah hin zumh lengin Japan zong a nem ngai. kan theih bantukin Japan hi myanmar ram bawmhnak petu le investor ngan bik pawl asi. The Irrawaddy