Palestinian le Palestinian an ithuat cuahmah ko cang hih!

Palestinian West Bank le Gaza Strip ah um mi hna Hamas le Fatah hna an irem lo ruang ah, Vawlei mit hmuh bak ah Palestinian ram pakhat bantuk in an um ko hmanh ah, khawkhan lairelnak phun 2 tang ah um tlat hi an si, West Bank, Palestinian taktak deuh mi hi Palestinian Authority Abbas tang ah an um, Gaza Strip pawl hna hi cu Hamas pawl khawkhan lairelnak tang ah um mi deuh an si rua, Tyre, Lebanon, Lebanese media report ning in nihin ah khan Hamas & Fatah members, Burj al-Shemali Palestinian refugee camp, Tyre ah um mi hna karlak ah buainak chuak in minung 3 thi in minung 10 hna nih hriamhma an ngei tiah report ah langhter asi.

Mah buainak ah hliamhma ngeih mi hna hi Hiram, Jabal Amel & the Italian Lebanese hospitals ah hruai an si, Lebanon state-run National News Agency (NNA) report ah, Friday ah khan Hamas member Hamza Ibrahim Shahine, cu refugee camp, Hamas weapons depot chiahnak apuak ruang ah athi khi asi, Hamza Ibrahim vui/phumnak ah hin buainak a chuak kha asi, minung 3 nunnak nih arak tuar asi, West Bank lei ah Palestinian Municipal Election an ngei lio kha asi fawn, Hamas le Fatah hna karlak ah tension a sang deuh fawn tik ah atu bantuk in an mah le an mah karlak ah buainak achuak ruang ah an irem lonak pakhat asi tiah media report ah langhter asi.

Palestinian ram chung ah hin an mah miphun hna dang dang khi an um ve tik ah pakhat le pakhat karlak ah hin irem lonak khi asang ngai ngai tawn khi asi, aruang bik cu nawlngeihnak duh ruang bik ah asi ko, mah caah cun mah ram chung minung hna hi Pathian bia bang in zeitik hmanh ah remdaihnak a um kho ti lo khi asi cang, Israel an doh tik ah cun lungrual ngai ngai bantuk in langton ko hmanh ah anmah chung taktak ah hin remnak a um lo khi asi, an buai peng rih ko lai.