Pathian thim mi Israel miphun hna cu America nih tangka tampi anrak bawm tawnnak hi zei zat dah an bawm tawn?

US nih Israel sin ah 2020 kum chung ah khan ral dohnak lei hriamnam cawknak ding ah, US$4 billion bak an pek, mah hi 2017-2028, kum 10 chung ah US nih military assistance caah Israel a pek ding, package agreement 38 billion USD assistance Barrack Obama nih 2016 ah arak signed diam cang in alut mi tangka asi, kum chiar in a tlawm bik 2017 in US$ 3.8 billion an ngah peng khi asi, Military assistance ah hin ral dohnak hmanrua phun phun cawknak le sersiam nak pin ah, ralkap hna supplies pek, maintenance le oil’ Fuel cawknak ca tiang ah hman ding asi.

Iron Dome missile defence systems hna upgrade nak ding le hriamnam upgrade nak ah 2020 chung ah khan US$500 million hman asi fawn, F 35 jet le vansang ah F 35 petrol pump zuang khawh mi Tanker cawknak ca zong ah hman asi, US Congress zong ah Israel senator hna US nih Israel abawm tamtuk mi hi soiselnak can zong a um deuh tiah thei asi, US taxpayers hna tangka her lo nak ah hman asi tiin, asi nain mak ngai nak cu US citizens tam deuh mi hna le congress majority member hna nih, an support pin ah US President achuak cang mi hna vialte nih khan, Israel hi anrak support ngai ngai khi asi.

Middle East ah diplomatic relations tuahnak caah, ahngatnak ding ah Israel hi an thim peng khi asi, Joe Biden zong nih hin anrak support vet lat khi asi, Pathian nih amah zumtu hna cu anrak dawt ning hi cu amak lem lo, Judah Israel miphun hna nih number one ah Bible hi fimnak le rumnak hram thawh asi timi hi bia tak tein anrak icawn piak khi asi, atu ah hin an ram hmete asi ko hmanh ah zei hmanh thin phannak an ngei lem lo khi asi, Arap muslim hna nih Missile he an kulh dih ko hmanh ah, Bible ah mi tai ah mit, ha ai ah ha, ke ai ah ke an ti bang in Israel miphun pakhat nih atuar cang ah cun sualnak tuahtu cu alet tampi in an lehrul tawn khi asi, Bawipa nih an dirpi taktak ti awk khi an si ko e.