Philipine President Mr Rodrigo Duterte fanu Sara Duterte Carpio cu 2022 thimnak ah Vice President a cuh lai,

Duterte fanu nih kum 2022-ah Vice President thimnak ah acuh ve lai, 15th November 2021 Philippine president Rodrigo Duterte fanu upa bik, Sara Duterte-Carpio nih cun zar liam cang Saturday ah khan, 2022 kum May thla thimnak ah Vice President cuh ding in, nomination paper  submit cang, Kum 43 asi mi Carpio nih hin Commission on Elections sin ah zar liam can ah khan, a joint mi Lakas-Christian Muslim Democrats (Lakas-CMD) aiawh in, Vice President thimnak ah cuh ding ah paper cu aiawh in mi dang submit ter asi, Carpio nih hin president hlun Ferdinand Marcos  fapa, senator hlun Senator Ferdinand Marcos Jr. he thimnak ah khan an tuanti lai, Marcos nih hin President a cuh ve lai.

President cuh timtu chung ah hin boxer lar ngai mi Manny Pacquiao zong a tel, Marcos party Partido Federaling Pilipinas nih cun Saturday ah khan, hmai kum ah vice president thimnak ah an party min in dir ding in, Carpio hi an fehter cang khi asi Poll body ah hin candidate-hna bawmtu ding hna hi, November 15 tiang min pek sian piak asi fawn, mah upadi tang ah hin candidate hna an thi sual maw? Asi lo ah withdraw asi ah cun, bawmtu caah chiah mi hna cu thimnak ah dir ding sianh piak asi lai.

President Duterte chuahnak, Davao City-ah a fanu Carpio hi mayor tuan lio asi, mi dang dang hna ruah ning laknak ah, kum 2022 thimnak ah President-ah dir ding ah hin an duh bik asi, Pulse Asia-nih September 6-11 karlak ah ram pum huap mipi ruahnak lak ah khan, kum 18 cunglei chung ah hin  20% cu Carpio hi President candidate caah an duh kong an chim hna, May 2016 thimnak ah khan Rodrigo Duterte hi president caah thim asi, ram phunghram nih hin term khat kum ruk chung pin ah, Philippine President caah dir than rem ati lo mi asi, Philippine law tang ah Vice President le President hi a dang tein thim veve asi.