President Trump nih US President Thar Biden Relawk Cakuat a Chiah Ta Mi Konglam

Trump nih  President Office a chuahtak lai te Biden caah cakuat a chiah ta ve. Cakuat cu President cabuai ah Trump nih Biden rel awk ah a chiah ta. Hibantuk in US President a tuanmi nih a US President thar ding sin ah cakuat (letter) an chiah ta peng tawn. Hihi US President pawl tuanbia ah a um peng mi a si. US President Bush in Regan in a dang dang US President pawl zong nih an rak chia ta peng. An cakuat hna cu a dihlak in rel awk ah langhter a si tawn.

Asinain tutan zong ah Trump nih Biden cakuat a chiah tak. A cakuat ahcun ahcun ” dawtnak, velngeihnak le zawnruahnak a telmi ca, Amah ka chonh hlan lo cu a dihlak in ka chim lai lo tiah Biden nih a chim. Trump hi Biden lawmhnak puai zong ah aa tel duh bak lo ca le  Biden President caah a cohlan lo caah zei cakuat ko dah a kuat te hnga tihi theih duh cio mi a si. Asinain vel a ngeimi ca ti pin cu Biden nih a chim duh rih lo. Source: Daily Mail

US President dang pawl hi cakuat an rak chiah ta mi pawl.

RelchapTuchun cu US President Donald Trump White House in a chuah le President thim tharmi, Joe Biden Inauguration a dongh tiang ka zoh. Khua a phunphun a ka ruahter. Democracy ahcun ruahnak ikhah dih phung a si lo caah kan i khah lonak tete itheihthiam le iruahthiam a herh zia tampi a kan cawnpiak. Kan duhmi President a chuah caan a um lai i, kan duh lomi President a chuah caan zong a um ve lai. Zei paoh hi an chia dih lo i, zei poah hi an tha dih fawn lo. Minung a simi paoh a tlingmi kan um lo. Asinain kan chiatnak le kan thatnak tu a dan bia a si.

Zei paoh hi Pathian nih a pekmi caan chungah a nung dihmi kan si. Hmailei US rampi zei lam a panh lai kan hngal kho lo, Pathian lawnglawng a hngaltu a si. Chiat lei kan panh ah siseh, that lei kan panh ah siseh Pathian timhtuahmi a si tiah lungsak khawh izuam cio hna usih.Tuchun ka lungah a caam bikmi cu President Donald Trump nih White House in a chuah lai teah, ca pakhat a tial [ note] i President thar Joe Biden cabuai cungah a chiah ta ti a si. Mah cate cu zei ko dah a tial hnga tiah ka lung a hngiar ngaingai. Joe Biden nih a chimnak ahcun ” dawtnak, velngeihnak le zawnruahnak a telmi ca” a si tiah a chim. Reporter nih zeidah si? tiah an hal i, amah ka chonh hmasa lo ahcun ka chim rih lai lo” a sin ah lunglawmhnak chim ding ka ngei” tiah a leh hna.

White House Press Secretary thar Jen Psaki nih tuzan lei ah a voikhatnak Press conference a tuah i, a chimmi zongah zei bantuk ca dah a si tiah reporter nih an hal than i, Jen Psaki nih,” It was both generous and gracious” tiah a chim thiamthiam. Keimah lawng si lon midang zong nih mah cate cu theih le hngalh an rak duh ciomi a si.President sinak biakamnak a tuah dih hnu ah nizan i ka tialmi phun 17 kha President Executive order hmangh in a chuah colh. President Donald Trump policy phun 17 cu a khupthal a leh dih manh.President thar Joe Biden nih a chimmi cu,” US mipi dihlak caah President ka si lai” tiah a chim bantuk in kan dihlak caah a tha bik in President a tuan khawhnak dingah thlacamnak in bawmh cio hna usih. Source: Salai Lairamthang.