Ram pahnih idohnak thlakua chung ah an lut cang ahnu bik thawng pang le kaht lei khat lei ralkap nun liam cang zat veve cu??
Russia & Ukraine idoh nak ah ram pahnih ralkap 200,000 hrawng nunnak a liam cang tiah a hnu bik report ah langhter asi cang,
United States ralkap general senior bik pakhat nih Ukraine idohnak kal cuah mah lio ah, khat lei khat lei an ralkap hi minung 100,000 veve hrawng thi le hliamhma ngeih an si cang tiah a theih ning asi,Gen Mark Milley, Chairman, US Joint Chiefs of Staff nih civil mi zong hi idohnak ruang ah hin, minung 40,000 hrawng an thi cang tiah a chim fawn, Hi US Ralkap Senior nih ralkap le civil thi zat an tuaktan ning ah hin,“Russian ralkap 100,000 leng thi le hliam ngei an si cang, tiin Gen Milley nih achim, Ukraine lei zong ralkap le civil 100,000 hrawng an thi le hliam ngei an si tiin achim.
Ukraine le Russia nih hin an ralkap thi le hliam ngei dik hi an chim duh lo veve khi asi, Moscow nih hin vawikhat te hmanh an ralkap thi zat hi an phuang duh bal lo khi asi, Ukraine nih Russia ralkap thi zat le an hraimnam an sung cang mi an chinchiah ning hi cu, report ah arak langhter peng khi asi, 1979-89 Afghan War-ah khan Soviet ralkap 15,000 hrawng an thi, Ukraine nih an ralkap thi zat hi an phuang bal lo fawn, August ah khan Commander-in-Chief Valeriy Zaluzhniy nih ralkap 9,000 an sung cang tiah chim in, Ukrainian news ah atar lang.
Acung picture hi Ukraine nih repor a pek tawn ning asi,
Ram pahnih idohnak ah hin minung tuarnak hi a rapthlak ngai ngai ko, tiin Gen Milley nih achim, February 24 in idohnak ruang ah minung ralzam hi 15 to 30 million leng an um cang, UN chinchiah ning ah cun Ukraine ram in Europe hmun dang le Russia-ram chung ah ralzam hi, 7.8 million hrawng a um tiin tarlan asi, Moscow nih cun chak lei khuapi pawimawh le lian, an lak mi Kherson an chuah tak lai tiah an phuang, Gen Milley nih Kremlin ralkap hna hi lak chuahnak hram thawh asi ati, khuapi ah hin Russia ralkap 30,000 hrawng an um caah hin,chuak dih ding ah cun zar hnih khat chung can alak te lai tiin chim asi.
Russia-nih Kherson in ralkap lak chuah ding ah a phuan hlan ah, September thla ah khan President Putin-nih cun, Ukraine-ah idohnak bawm ding ah (reserve) ralkap 300,000 hrawng lak an si lai tiin a phuang kha asi, thlanglei ram ralkap lei mithiam le Ukraine nih cun Russian nih ralkap hna an withdraw hi, idohnak ah tlamtling lo le an sungnak langhtertu asi tiin an chim.
British Defense Ministry Ben Wallace nih UK nih cun Ukraine anmah ivennak ding ah 1000 missiles air defense caah an pek than lai tiah a phuang, mah missile transfer hi Ukraine nih infrastructure an ngeih hna cu, Russia lak ah an iven nak ding ah hman khawh nak ding ah, delivery piak asi lai ati, U.S. President Joe Biden nih midterm elections, Congress ah bia chim a ngeihnak ah, Ukraine & Russia hna cu ibiakchawnh nak lam a um tiah ati, nain Ukraine nih Russia he remdaihnak tuah ding ah lam a ong le ong lo, a fiang lo tiin a chim, “It remains to be seen whether Ukraine is ready to compromise with Russia”.
Ukraine nih settlements tampi an lak chih than cang, Italian president Giorgia Meloni nih Italy’s “strong commitment” NATO & Russia’s invasion of Ukraine ah bia tak tein zuam piak a huam kong a chim, Group of 20 (G20) summit Indonesia, hmai zar ah ngeih ding ah, Russia nih ruahnak le ruahmannak tampi chauhpi atim, a bik in gas cooperation Turkey & grain exports etc “multipolar” world kong hna asi lai, NATO chief Jens Stoltenberg “Russia nih Kherson withdrawal an timi hi, thil a phan taktak asi ah cun, Ukraine caah teinak ropi tuk asi lai, Russia nih pressure an ngah ngai ngai fawn.
Russia ralkap hna hi Ukrainian ram chung le atu ah an lak cang mi Kherson ah hin, ralkap tampi nunnak a liam pin ah, supply tha tein akal khawh ti lo caah, withdraw an tuah mi asi, mah cu an sung ti phun lei zong in chim khawh asi thiamthiam ko, Kherson army chief Valeriy Zaluzhnyi nih Ukraine ralkap hna nih Kherson 12 settlements an lak tiin a phuang, “We can’t yet confirm or deny the information of the so-called withdrawal of Russian occupation troops from Kherson. We continue to conduct the offensive operation in line with our plan” Ukrainian troops hna nih Snihurivka southern Mykolaiv region an lak fawn tiah thawng thanh asi.