Ram pahnih thlathumnak tam idohnak asi cang remdaihnak lei zeihmanh alangrih bak lo nichiar in mithi le bomb puah thawng adai kho lo,

Russia President Putin-nih German Chancellor Olaf Scholz le French President Immanuel Macron ph-call achawnhnak cu,

German Chancellor Olaf Scholz le French President Immanuel Macron phone call in an chawnh, Putin nih German Chancellor Olaf Scholz le French President Emmanuel Macron hna cu chawnh in, Ukraine nih remnak lam hawih in ibiakchawnh apawm lo tiah achim,  Putin-nih cun Moscow he buainak tawp nak ding ah zeitik can poh ahibiakchawnh ding ah ready kong achim nain, thlanglei ram hna nih Ukraine cu hriamnam tampi an pek tawn mi cu atha lo tiin asoiselnak kong achim, Mah phone call-ah hin Putin nih cun Russia ralkap hna, hmalaknak hnu bik hna tiah chim in, nai te ah Ukranian force-hna sin in an lak Mariupol le khuapi dang hna cu, nunphung aning tein an um ko cang tiah achim fawn.

Putin nih remdaihnak lam hawih in ibiakchawnh a duh peng timi le leitha (fertilizer) thlai thar an tharchuah mi hna kuat chuah khawh ding ah ready asinak kong chimp ah in, mah thil belte cu thlanglei ram hna nih Moscow an hrek/phihnak cu an thlah ve ding asi, mah an hrek/phihnak an thlah asi ah cun Black sea le Ukraine Lawng dinnak hmun hna in, changreu/facang dip hna kuat khawh asi lai, Sihmanselaw atu ah cun Ukraine’s mining to the sea ruang ah zeihmanh kuat chuah khawh asi lo pin ah, Russia lawng lei ah tuan mi hna nih Civil mi hna veivah nak Black Sea le Azov Sea-hna ah Inka onh peng asi tiah achim fawn.

Mah lio ah hin German lei in call an leh mi ah Scholz le Macron hna nih cun, Putin cu idohnak tawpter ding le Russia ralkap hna Ukraine in withdraw ter ding in, an nawl ve fawn khi asi, Europe ram hruaitu pahnih hna nih cun Putin- thil tim mi le beisei mi hna theihthiam in, Ukraine a thuat/dohnak lam ah International Humanitarian law zulh phun le International Committee of the Red Cross hna cawlcang mi hna, khamh lo in zalongte in cawlcang koseh tiah an ti piak ve fawn khi asi, Scholz le Macron hna nih hin Russia-nih Ukraine-ah Military Operation a ngeih mi hi an soisel pin ah, EU-nih Moscow a hrek/phihnak pawm si fawn in, Moscow biakchawnh nak an ngei peng fawh hna khi asi.

EU hruaitu dang hna nih cun Putin-hi biakchawnh an tim bak lo khi asi, Polish Prime Minister Matteusz Morawiecki nih cun, Putin hi Adolf Hitler he an tahchun ve bak ko, Putin-a biakchawnh ruang ah Macron-zong fak nawn in asik aduh fawn tiah achim, British Prime Minister Boris Johnson-zong nih Putin cu Awle (Crocodile) bantuk asi timi kong le amah he remdaihnak kong chim aduh bak lo kong achim ve fawn, Scholz le Macron nih hin february in Putin hi achawnh tawn ko hmanh ah, Kiev bawmnak hriamnam an pek thiamthiam ko, US secretary of State Henry Kissinger nih Ukraine President Zelensky-sin ah, Russia he ibiakchawnh ngeih khawh ding le idohnak tawp nak ding ah, Ukraine ram cheu khat hna Russia pek mai ding ah achim mi cu, Macron nih cun duh bak lo in hnawn piak asi.

Nihin ni ibiakchawnh nak ah hin Putin nih cun thlanglei ram hna nih hriamnam he Ukraine khuapi Kyive an bawm pengnak hi Ukraine cung ah, buainak le cawlcangnak tamtertu asi pin ah, humanitarian crisis azual chinchin tertu asi tiin, Scholz le Macron hi a chim fawn, Minute 80 chung an ichawnh hnu ah hin ibiakchawnh nak um than ding ah rem an ti hna, ibiakchawnhnak nih umzia angei lo ngai ngai pin ah hiti hin akal peng asi ah cun ralpi pathumnak hi anai deuh deuh tinak zong asi cang.