Ram uk-tu nih khawkhan lairel an thiam lo ah cun mah hi asi ko, President Joe Biden cu ahmaika ah chiatnak long nih arak dawn ko cang hih!

Haitians illegal migrants 1,4000 hna cu Del Rio, Texas Bridge tang ah atu zong ah a um rih ko, President Biden a lung abuai bak ko cang, Sunday in Biden administration nih Haiti acoyah arak chawnh, Haitians minung 14,000 hna hi nikhat ah flight vawi 8 hmang in an ram ah kuat an timh, Federal Judge nih Deportation hi an remti lo asi nain, can zar hnih chung an ngeirih arem ning in, mah illegal migrants Texas bridge tang ah um mi hna hi kuat than dih asi lai, Haiti hi kanhnu lei deuh ah khan an President thah piak asi hnu ah, 7.2 magnitude earthquake lirhnginh ruang ah an ram economy a chia ngai fawn, Biden a lung abuaiter bak ko cang.

Biden hmaika ah chiatnak long in akhat ko, mah chung ah, Pentagon nih August 29 Kabul Airport ISIS-K Drone Strike ding ah, Afghan chungkhar members 10 sualnak ngei lo thah asi ruang ah ngaihthiam ahal, mah thil hi American intelligence hna min chiatnak long si lo in, Acoyah lio le ralkap min tiang achia ngai ngai khi asi cang, Biden cu alung abuai bak ko cang chiatnak long asi.

AUKUS Alliance tuah ruang ah le Australia Nuclear Submarine ding ruang ah, avawikhatnka caah, France President nawl peknak in France Ambassador to US tuan mi auh in anram ah kirter asi, France an lung si lo ngai ngai cang, NATO an chuah tak duhnak lungthin angei lai maw? timi hi mi tampi ruahnak asi, European Union pawl an lungawi lo ngai ngai fawn cang, Biden nih Afghan a mer tak ruang ah EU President Ursula nih EU Forces dir ve atha ko cang lai tiah a chim, EU le NATO adang dang in an ithen sual ah cun, US cu tuanpi ngei lo bantuk in dirhmun derthawng ngai in a um kho men?

Biden administration nih American mipi hna cu a vawi 3 nak Vaccines boosters dose pek ding ah biachahnak cu an sianh piak ti lo, Biden Honeymoon arak dih cang rian taktak tuannak athei par hmuh ding zei hmanh a um rih lo, aruang cu acoyah nawl ngeihnak an lak hnu in President Joe Biden cu, project thar rian taktak tuan ding pakhat hmanh a um rih hlan ah, amh khawkhan lairelnak rian nih atu tiang buainak long te hi ahmaika ah akhat in akhat ko rih, zei tik ah dah US ram caah plan ning thar or Project thar angeih lai? atu ban tuk in maw abuai peng ko lai?