Rampi hruaitu Nu PM hmasa bik asi hnu ah PM tuan can toibik zong asi mi cu, abang cawlh khi asi zei dah aruang?

Sweden-ah Nu Prime Minister hmasa bik Magdalena Andersson cu lak luh a si hnu ah, Parliament-ah a hruai mi acoyah budget proposal achuahpi mi cu hnawn piak asi, Opposition party lei nih an chuahpi mi cu pawm piak asi ruang ah, Wednessday ah khan PM a sinak in bannak arak theh lut ve cawlh asi, Social Democratic party hruaitu, Andersson nih hin dSuimilam 7:00 chung longte PM dirhmun rian atlai hnu ah, an caah ban hi atha deuh ko tiin a chim, ka caah cun mah hi ningzah langternak asi ati, acoyah zumtlak lo hruaitu si hi ka duh lo ati, khat lei kap in uar a um ko khi asi.

PM caah lak luh asi hlan ah finance ministry asi, Andersson nih cun Parliament speaker Andras Norlen sin ah Social Democratic-nih an  party long tein acoyah hruai cu ready peng ka si ko tiah a chim fawn cawlh, Seat 349 umnak, Sweden Parliament speaker Norlen nih an umtu ning ah, ruah peng asi atu ah hin party pariat hruaitu hna cu biakchawnh asi lai tiah ati, an kal ning ding zong ah arauh hlan ah phuan cawlh asi lai ati, Parliament-ah acoyah nih budget proposal arak theh lut mi, hi Social Demcoratic party-nih tangti in acoyah tuahpi asi, Green Party nih a pawmpi ve lo ruang ah, opposition party theh lut mi cu pawmpi asi tiah ati.

Nain Green Party nih Prime minister thimnak ngeih than hnu ah, Andersson support lei in an vote than ding kong an chim, Andersson nih tu hlan ah opposition budget tuah hmang in, ram hhruai thiamthiam atim kong achim cang khi asi, Parliament-ah budget pawm cang mi hi acoyah nih, atuah mi deuh thiamthiam in tuah asi, nain acoyah nih an ram dirhmun sersiamnak caah, hmaikum chung ah hman ding in ruahman asi, kronor trillion 74 (USD tld 8.2) in kronor 20 (USD 2.2) trillion long hman khawh asi lai, mah hnu ah an pawm cang mi budget ah hin tax lak niamter ding hna cu, police officer-hna hlawh/salary santer le  Judiciary system tang ah sector dang dang ah tangka tam deuh chiah ding zong atel lai an ti.