Ramro le ramcar asi mi Israel ram tlamtlingnak le dirchuah khawhnak bia thli athup mi hi zei dah? an policy hi zei dah? Biathli athup mi hna cu,

Israel dirchuahnak biathli cu Fakpi in riantuan, Ninglam theihnak, Tuar khawhnak, Timh nak, Zuam nak, Bible ning in kalnak, Dik nak, Eihmuar ti phun duh bak lo hna etc. asi, Thetchia le lungchia hmun ah, miphun thim mi Israel fa hna chiah tlattu cu Pathian nih a fa hna cu, faktuk in riantuan ding ah aduh ruang ah asi, Israel ram kulh dihtu Arab ram hna khu Oil tamnak cung ah um in, zei poh ah nuam ngai ngai in a um mi hna an si, Sihmanhselaw ngaihmanh, Arab ram ṭangrual pawl nih ram hmete Israel kha an tei bak lo kha asi, an pawngkam Arap ram hna hi arum mi ram le minung tam ngai ram an si ko nain, Pathian nih harsatnak phun kip in arak hruai/thim Israel fa hna cu anrak tei khawh bak lo kha asi.

Minung rengreng hi harsatnak phun kip aton cang mi le zei hmanh harsatnak angei bal lo mi dirhmun hi athlau ngai ko timi hi Israel miphun hna cung ah hin ataktak in hmuh khawh asi, mah ruang ah cun ei/din lei ngeih aher, hriamnam lei ngeih a her, sawva lei ngeih aher, riantuan zuam aher, fim cawn aher, timi hi Israel fa hna nih Experience tamtuk anrak ngeih caah cun, ram venhimnak lei le raldohnak lei ah Arap ram hna nih anrak tluk lonak khi asi, Aram ram hna cu mirum long te an si caah harsatnak an ngei bal fawn lo tik ah le nuamnak lei long long anrak kal ve tik ah sungnak dirhmun ah anrak dirnak zong asi, tangka an hmuhnak bik hi anram ah Oil tamtuk achuak caah an rum ngaingai nak zong asi, Iran ram le bang nih cun Israel hi mei vap ah canter hi ahlan liopi in anrak timh cang nain atu tiang tlamtlinnak angei bal lo khi arak si.

Israel miphun policy pakhat cu mipi bawm ti bantuk policy hi an ngei hrimhrim lo, aruang cu mi kip nih mah le mah riantuan in iven dih khawh policy hi bia tak tein an kalpi mi asi an ti, acoyah sin ah bawmnak ngah ti phun hi a um ve bal lo, mipi nih acoyah tu hi zei tin dah kan bawm khawh lai timi hi an kalpi hna tiah thei asi, Mi bawm phun policy hi cu mi thatchia riantuan huam lo ah an ruah, acoyah sin in bawm duh miphun hi an thangcho bal lo an ti fawn, Chin miphun hna nih hin Israel policy tha ngai mi hna hi lak/cawn hi kan her vet e ko lai cu mu!

Israel ram hruaitu hna khawkhan lairelnak hi arak tha bak fawn, Israel ram, Israel miphun hna caah zei dah san tlainak a um lai? Ti phun in khua an khan hna, mah pumpak lei phun in bia chim a um ah cun ram hruaitu tlak asi lo tiah mipi hrimhrim nih bia tak tein an soisel hna tiah an ti, ram dawtnak lungthin he ram politic khel khi asi, Israel ram hi an tuanbia kan theih ton bantuk in ram ro ram car asi mi ram cu atu ah cun Israel ram chung thlai hnah le thei ti bantuk hna hi atha bik le minung caah vitamin um bik mi asi tiah research tuahnak in theih asi fawn cang khi asi, Israel fa hna nih mah tluk ramchia ngai mi cu ram tha ngai in acanter hna hi amak bak ko, atu ah cun vawlei cung ah ram a todelh bik le thil tlamtling tein ngeih dih mi ram arak si.