Russia cu an ram chung ah an buai ve bak ko cang Russia ram pum ah local Elected official 40 leng hna nih Putin idin/bang cang seh tiin petition an tial cang,

Russia ram pum ah local elected official 40 leng nih, sentence pahnih umnak petition an tial cu, “Russian Federation president sinak rian in, Vladimir Putin idi/ban cang ding in kan phut asi!” Ukraine an dohnak ah duh lotu hna nih, mah petition hi an pek ko nain umzia angei lem lo khi asi, Russia state-controlled media-ah cun roundly ignore a si, raldohnak support tu commentator le politician-hna nih cun ralkap hruaitu hna le senior official-hna nih cun, biachahnak felfai tein idohnak hi kalpi asi lo pin ah, bia dik vialte hna zong Putin sin ah an chim piak bal lo khi asi an ti fawn, mahruang ah hin Russia raldohnak hi an tlukchiatnak ding hram thawh asi an ti.

Atu dirhmun ah cun Ukraine nih hi idohnak hi tawpter ding ah beisei umter tu deuh khi asi an ti fawn, tiin St. Petersburg- municipal council member Ksenia Torstrem nih achim, mah petition tuahtu le Ukrainian hmalak tlamtlingnak hi an caah “inspiring factor” a si kong achim, Ukraine chak/thlang square mile 1,000 leng chung in, Russia ralkap hna ningzah mualpho in an withdraw ruang ah, Putin thinhunnak adarh ngai ngai ati, mahruang ah senior lawmaker pakhat nih interview-ah idohnak kalpi lio cu “aran khawh nak chung in remdaihnak tuah aher tiin achim, phone interview-ah lawmaker nih atu bantuk in Russia thazang dernak kong achim mi asi.

Russia ralkap hna nih Ukraine ah hriamnam tampi le Missile bomb tampi hna an zam tak dih khi asi, mah lio ah Putin cu holh bak lo in lungrethei le thinhun bak in a um ko, an ram chung ah political spectrum dang dang le mipi tampi hna nih Ukraine an doh mi hi an duh lo ruang ah, ral doh ning system zong dik lo ngai ngai in an kalpi ruang ah mah tluk lawmmam an sung nak asi tiin, an zai hnawh hna khi asi, kum 1917-ah Russian Revolution le kum 1991-ah Soviet tlukchiatnak cu tarlang asi fawn, atu zong ah hin Russia mipi hna hi, control khawh lo tiang dirhmun ah dirthan sual hi mi tampi nih an thinphan pi ngai ngai khi asi cang fawn.

Putin hlonh/paihthlak duh mi pawl zong an um ve fawn hna, Russia ram chung ah hin buainak phun kip khi atlung ti awk ding khi asi, Ukraine tlamtlingnak kong an theih ah hin athin ahun chinchin nain, zeihmanh tikhawh asi fawn lo, adonghnak lei ah remdaihnak a um lo le bang ah cun, Putin thinhunnak nih hin, ruah lopi in Nuclear weapons hna hi ahman sual lai timi hi, tih anung bik dirhmun asi, “nuclear war”  hi achuah sual lo nak hnga bia tak tein kan ven aherhtuk tiin, senior official hna nih an chim khi asi, nain Putin nih an tim taktak ah cun an control khawh lai maw??

Parliament lower house member pakhat Mikhail Sheremet nih Russia media pakhat sin ah, ralkap hna cu Ukraine ram ah “full mobilization tel lo ah cun” an hlawhtling bal lai lo tiin achim, Putin nih ram pum huap in draft a kalpi duh lo ruang ah, soiselnak long long in akhat ko ati, mah hi Russian nih ral doh cu aduh lo tu hna nih fakpi in anrak soisel peng cang mi asi, Putin support tu party hruaitu, Sergei Mironov nih, Sunday zan ah Ukraine infrastructure target- hna an thuat ruang ah, an ram hmun cheukhat power ngei lo in a um cu, atha ko tiah an tipi e an ti cu, cu bantuk in Putin support tu hna nih cun chiatnak aphan zong ah poi an ti lo ati.

Social network Telegram-ah, Russian ralkap blogger hna ah, raldoh nak kong ah duh le duh lo tu hna bia-alnak long long in akhat, Russian state television-ah war correspondent Yevgeny Poddubny nih, idohnak fakpi in aphan lonak ding ah kan kalpi lio asi tiin achim, nain upper house-ah senior member Andrei Klimov nih all-out war nak awthawng cu hnulei thawn/kir nak awthawng asi tiin achim ve fawn, February thla idohnak hram thawh asi hnu ah, Putin hi kum 20 kal liam hnu nawl ngeihnak an lak hnu atu hi, fakpi in soisel an ton nak bik cem asi, “special military operation” Journalist, activist le midang sang tampi an zam dih hna pin ah, Russia chung ah independent news media langsar tak tak a um mi hna zong, khar/stop aher cang an ti.

Opposition dodaltu pawl hruaitu hna tampi cu an zam/tli dih hna, azam/tli duh lo mi hna cu, tlaih in thawng ah an thlak dih hna khi asi, Putin- achuah nak khuapi St. Petersburg in municipal council member pawl pakhat nih president cu, ram phatsannak ruang ah hlonh/paihthlak ding ah nawlnak cathanh atuah hnu ah, hmun dang ah azam tak diam khi asi, Torstrem nih hin Putin- dinter/ban ding ah nawlnak petition tuah cu a bawm ve ati, Petition-ah hin Putin- thil tuah mi nih hin, “Russia le a mipi hna hmailei can a tichiat ding kong chim asi, petiton tial tu hna hi ralring ngai ngai in min langter lo in thil tuah mi asi.

Mah petition hi nizan zing ah khan Twitter-ah chuahter asi, Moscow le St. Petersburg in minung 19 an um, an tam ve deuh deuh peng, atu ah minung 40 leng an tling cang, Siberia ram ah khauapi Yakutsk in, municipal aiawh le Volga tiva kam Samara lei in, municipal aiawh hna zong an tel, mah petition nih hin Putin- ban/dinter khawhnak ding ah lam an kawl lio an ti, Moscow-ah municipal deputy Vasily Khoroshilov nih, hi ruahnak hi Putin dodaltu thilti khawh taktak sin ah, Russia mipi chung ah supportnak an ngei lai tiah, bia chahnak akuat tiah an chim, Putin- maw dik lo asi lo ah Senior official hna hruai ning maw dik lo, an dih lak in an buai khi asi ko cang, mipi nih cun ruahnak an ngei dih ceu ko cang an chim ngam lo khi asi, zoh rih ko sih.