Russia nih sanction antuar ko hmanh ah an ram chung ei/din kong le thali tharchuah tam ning vawlei ah record ngei beisei asi nak kong achim, grain le weat an ngah ning, Rubles payment asang fawn,

Russia-nih Special Military Operation, Ukraine lak ah an phuan ah khan, thlanglei ram hna bawmnak hal in Zelensky nih fakpi in campaign a tuah kha asi, mahruang ah cun West-pawl zong nih khan Russia lak ah hmalak ning ding ah, anrak phuang ve hna khi asi, Sumdawnnak le Vanlawng kilning hna tiang phih piak/sanction ding in lam tampi kawl in hma an laknak cu Russia nih hin an tuar ve ngai ngai ko cang khi asi, US nih Russia lak ah Sanction a phuan ah khan, “Russia cu Sumdawnnak le thil dang dang hna ah amah long tein um khi an tim bik cem asi, mah bantuk in hma an lak zong ah hin Russia nih hin lam dang dang hna ah, harsatnak tampi an ngeih ko hmanh ah, Special Military Operation hi adinter thlei lo khi asi.

Mah hmanh ah cun ei/din le fuel lei ah Europe ram cheu khat hna hi an buai ve deuh khi asi ve fawn, Germany nih, “Vawlei ah hin ei le din ah harsatnak an ton ve khawh tiin an chim, Atu ah Europe ram ah Food Crisis um ding phun khi asi, US nih, “Russia nih Unkraine an thuat/doh ruang ah cun, Food Crisis hi a um lio asi tiin, Food Crisis umnak chan ah Russia a puh fawn hna, Russia-nih Ukraine a thuat ruang ah phihnak/sanction  dang dang hremnak apek lio ah, Rusdia nih New Rubles Payment Mechanism/Scheme a tuah mi nih cun, Ruble man sang deuh deuh khi asi, Bloomberg-nih report atuah ning ah, Vawlei ah tangka man sang chinchin 31 chung ah atel cang khi asi.

Kum hramthawh in tuak ah cun Ruble tangka hi thil tikhawh nak hi, US dollar thil ti khawhnak an tah ning ah cun atu ah hin 11% hrwang in a sang deuh tiah ati, International Currency Market zong ah Ruble exchange rate hi 12% in a thang cho lio asi fawn, Bloomberg nih, “Ruble named world’s best performing Currency” tiah ati ve bak ko cang khi asi.

Russia ram caah tukum 2022 hi kum tha asi lai,

Russia ram nih tukum hi facang an ngah kum (bumper of crop) wheat tharchuah tambik record asi lai kong nihin ah khan Russia President Vladimir Putin nih achim, Tu kum hi kum thatkum buh le bal ngah kum asi lai tiah an beisei kong achim, mithiam hna nih cun grain hi 130 million tons tharchuah an beisei, wheat hi 87 million tons tharchuah an beisei kong achim in, wheat tharchuah bik ah Russia history-a record a si lai tiah azum nak kong Putin nih hin a chim fawn, Russia President nih ram chung ei le din ah an ngah tawk timi le vawlei ram dang hna he ei/din sumdawnnak zong ah kan kalpi khawh lai tiah ati, Ram cheu khat hna nih ei le din ah harsatnak an ton lio tiah west media-hna nih an chim tiah ati.

Russia nih wheat market-ah tukum hi hma hruaitu an si hrimhrim lai tiah a beisei kong achim, Russia nih hin kum 2017 ah khan an ram thlai tharchuah tambik record ngei in grain hi 135.5 million tons le wheat 86 million tons an thar chuak khi asi, Nikum ah khan grain hi 121.4 million tons le wheat 76 million tons an tharchuak fawn tiah alanghter fawn.