Russia ralkap hna nih fawite in le nuam te in park le hotel nuam ngaingai nak ah leng/tlawng an timh nak cu an tlawng leng khawh ti lo,

Russia ruah ning le timh ning ah cun Ukranian mipi hna nih akan thuat te lai tim hi an ruahnak nih arak phan lo khi asi, kan ram ah hin nuamte in an tlawng leng khawh thlei lo, mah tluk bomb le hraiman rua bantuk in an surter mi cu kan thil ngeih chun tete in kanrak ven ve khi asi, mah pina kan borauk kan control khawh tiah Ukrainian pilot The interview with a Ukrainian MiG-29 pilot nih atu bantuk in media ah arak chim mi cu thil ataktak ah cang mi asi.“It’s our land, it’s our families, it’s our cities. We are defending them. That’s the main motivation for us. And we succeed in this, because the Russians are surprised. They are f@cking surprised.

Israel hmanh nih mak/khuaruah har an ti bak ko cang mi cu, ram dang hna caah cun chim her lo, Ukraine ram ah thil mak ngai an hmuh mi cu?

Thla khat leng chung ah Russia nih Ukraine Invasion ah doh asi cang, Ukrainians ram hi Russia nih cun can tlawmpal ah an lak diam ko lai tiah ramkip nih aruah mi asi, 6 day war tiah Arap ram pawl nih Israel chimih ding in an doh lio ah, ram hmete Israel cu adohtu Arap ram pawl cu an sung viar kha as ikan theih ceo bang in, Atu ah vawlei cung ah ram thawng bik 2 nak Russia nih Ukraine an doh mi cu, can sau aduh lai lo tiah an ruah ceo mi asi, nain thlakhat leng asi cang an lak khawh bak lo hi asi, Israel’s military hna zong nih an khuaruah ahar bak ko nak kong media tiang arak chim khi asi, Russia nih ralkap thatha le hriamnam thawngthawng mah zatzat an hman cang hnu zong ah umzia angeirih bak lo khi asi fawn, Ukraine news report ah cun 12,000 leng Russian troops athi cang, 49 fighter jets an kah chiat piak cang, 81 helicopters achiat piak fawn, 335 tanks an sung cang, 1,105 armored vehicles an sung cang, 123 artillery systems hna an kah chiat piak dih cang fawn tiah news report ah langhter asi.

Russia nih hin hriamnam tha taktak mi Fighter Jets, Helicopter tha bik bik cem hna an hmang fawn, mah an thil hman mi hi turu taktak asi ko nain, Ukraine anti-aircraft systems &  shoulder-fired anti-tank guided missiles (ATGM) hna nih anrak kah chiat piak khi asi cu, IDF nih Russia Air superiority ah a cung nung ngaingai ko bu in, Ukrainian pilots hna nih ‘sorties’ nikhat ah vawi tampi an ti khawh pin ah an ngeih chun mi hriamnam hman ning an thiam ngai ngai fawn an ti, mah caah cun acung lei kan langhter cang bantuk in Russia Jets thatha, Helicopter thatha, Tanks thatha, armoured vehicles thyatha, artillery systems thatha tampi an kah chiat piak khawh mi cu Israel Army hna nih mak an tin gai mi khi asi.

Russia nih hypersonic weapons hmang an hman ko hmanh ah, Ukraine private building hna le Office hna an kah chiat piak pin ah Civil minung zei maw zat nih an thih pi khi asi, Israel Defense Forces hna nih idohnak boruak hi fiangte in anrak zoh khi asi, information -combat methods & doctrine, ground maneuvers, logistics, air defense, anti-tank, cyber & electronic warfare, psychological warfare tiang in zei bantuk dah an hman timi hna tiang khi athli tein anrak zoh piak tawn hna, 6 day war ah Arak ram hna an sung bantuk in atu zong ah Judah miphun Ukraine president nih raltha ngaingai in Russia tih bak lo in an rak chung bak in venhimnak an tuah mi cu Pathian nih an dirpi ko lai tiah mi tampi nih an ruah mi asi.

Thil mak ngaingai pakhat an hmuh than mi cu, Ukraine ram chung ah hin harnak atlun ah hin hmuh taw nasi mi cu van boruak ah khin cross var lang mi khi an hmuh tawn an ti, naite zong ah an hmuh than bak fawn, asul lam an chim ning ah cun mah thil alang tik ah Ukranian hna nih an dih lak in thlacamnak can an hman khawh an ti, mah hmuhsaknak hi Pathian he inaihnak asi tiah an ti fawn, mah thil cu caknak/thawnnak ah an hman tawn khi asi tiah anti.