Russian billionaire hna cu Europe ram hna nih an sanction nak cu an tuar taktak ko cang hna, Russia ralkap nih Kherson khuapi an lak tiah,
Russian billionaire hna cu Europe ram hna nih an sanction nak cu,
Russian billionaire Usmanov Putin hawitha nih lawng 600million dollar man cu hamburg, Germany luursen shipyard ah retrofit maintain ding in an chiah mi cu an idin tak bak ko cang, tangka hman ding a um lo caah asi, Mah lawng hi Germany nih Russian oligarch caah hin a tuah piak mi khi asi, Russian oligarh corrupt tamtuk nih hin ‘rule of law’ fel ngai mi umnak UK Germany le France ah an rumnak assets le tangka an chiah tawn mi khi asi, mah hna rumnak hi Europe ram thanchonak hna ah hin an technology high end hmang in luxurious life anrak nunpi ve mi kha asi, an tangka invest nak hi atam ngai ngai khi asi, zei ruang ah dah an mah ram Russia chung ah an chiah lo? Putin nih an mipi hna zalongnak um bak lo in an chiah tawn ruang ah mirum tampi hna nih Europe ram chung ah an chiah mi asi, mah hna vialte cu atu ah Europe an an sanction tik ah cawlcang ngaihnak a um lo tina kasi, mah cu dakaw Putin nih Economy lei ah an thazang dernak cu asi.
Mah Lawng hna hi vawlei cung ah private yatch lian bik hna asi, swimming pools 8, helipad 2 a um fawn, 512 feet a sau, France zong nih Russian corrupt billionaire pawl nawmhnak phunkip tuahnak Lawng tampi an tlaih piak cang, UK zong nih sanction pia kasi cang fawn, Banks money long si lo in an thil ngeih mi assets an hren piak dih thluah mah ko cang laik hi asi, pressure faktuk in tuah in EU le US nih hin kremlin, Putin le an tuanpi mi amah tang lei Officer hna karlak chiatternak hrawh piaknak than gai mi pakhat asi, an ram chung politics chiatter ding ah effective a ngeih taktak ko lai tiah fiang ngai in atu ah an tuar cuah mah ko cang khi asi, Russia nih hin vawlei tang rumnak tampi angei ko, mah hna hi Russian billionaire tampi hi Russian company CEO an si hna, an natural resources steel, oil and gas company hna hi a lian ngai ngai ko, Economy lei ah harnak an tawn chinchin lai tiah News report tampi ah langhter asi.
Ukraine ram chung in Ralzam 1million leng an um cang,
Idohnak ruang ah Ukraine ramchung in minung himnak ding ah tiah azam mi hna cu, minug 1 Billion leng an zam cang tiah United Nations nih cun a chim, UN High Commissioner for Refugees (UNHCR) nih cun ram dang ah azam mi hna hi an tam deuh deuh ko lai tiah an zumh, UN High Commissioner Filippo Grandi nih ni 7 chung in Ukraine minung 1billion leng pawngkam ram ah an zam hna cang, ram chung ah a um lio mi hna zong thin phang lung rethei in an um lio khi asi ati, bawm an her ngai ngai mi an sic ang, Idoh hramthawh ni hmanh ah khan Ukraine ram minung 82,000 hrawng an zam cawlh hna, mah hnu ah nichiar in tingkhat peng hi an zam hna khi asi tiah UNHRC report ah langhter mi asi, Ukraine in azam mi hna hi acheu hrawng hi Poland ram ah an kal, Hungary-ah minung Ting 1.16, Moldova-ah 79,000 le Slovakia-ah minung 71,200 an lut cang tiah report asi.
Russia ralkap nih Kherson khuapi an lak tiah,
Russia ralkap hna nih Ukraine chaklei Lawng idinnak hmun khuapi pawimawh ngai mi, Kherson cu lak in an kut tang ah a um cang ati, Kherson hi Russian ralkap hna khuapi lian an lakh masa bi kasi, Kherson mayor Igor Kolykhaev nih city council building-ah Russia ralkap an um, khuapi chung ah curfew an phuang tiin a chim, Mayor nih Russia ralkap cu civil mi hna kap lo ding ah nawl asi, minung 2.8 million hrawng umnak khuapi ah hin Ukraine ralkap an um lo tiin achim, mah khuapi hi Russia ralkap hna hruainak tang ah kan um ko tiah ati, Russia caah Ukraine ram chung lei ah luh timnak lam ah military base-ah hman ding in mah khuapi hi san tlai ngai in an hman lai ati, Ukraine khuapi Kyiv le an khuapi lian 2 nak Kharkiv-hna cu Russia ralkap nih an thuat peng rih ko, Kharkiv khuapi cu ni 6 chung rocket hmang in an thuat cang, Kyiv khuapi zong thuat peng rih asi, mah khuapi kulh timh in Russian convoy tamtuk nih an pan cuah mah lio asi, Kyiv lei pan in akal mi Russian military convoy hi mile 40 hrawng sau in an izulh tiah an ti, convoy-hna cawlcang lo in ahmun ah an um rih peng ko tiah Report ah langhter asi.
Ref: BBC & VOA News