Siangpahrang/Bawi pakhat nih Thawng/Jail tla mi pawl ava zoh lio ah Jail tang pawl zei ruang ah dah Jail natlak? Pakhat nih aleh mi cu?

Thawngtla mi hna an zoh-I, thawngtlaknak chan an hal hna, Thawngtla mi dih lak nih  achim mi cu, Lih in akan puh ruang ah katla, khawkhan laireltu hna nih kan kong hi dik lo ngai in anceih ruang ah katla, tiin mi dang vialte zong nih thawng atlaknak chan an hal cu, mi dang le khawkahn laireltu hna cu dik lo dih in an puh ve khi asi, mah hna vialte chung ah pakhat nih cun tihin aleh, kapu kei cu mi kathah sual caah thawngtla mi kasi,  mi sual ka si caah thawngtla ding hrimhrim ka si ko zei hmanh thuhpheh ka ngei lo misual kasi tiah an Siangpahrang/Bawi hmaika bak ah cun misual asi zia thuhpheh bak lo in fiang ngai in avun chim tawp khi asi.

An Siangpahrang/Bawi nih cun cu pa cu, E tlangval mah vialte mifel chung ah misual narak tel ve peng ko asi maw! “Na um lonak ding hmun ah narak um peng asi ko cu” tiin Thawng/Jail Security pa sin ah cun, mah pa cu chuah cang ding in nawl apek cawlh ko, misual kasi titu pa cu Siangpahrang/Bawi zangfahnak thawng in chuah zalong an si, Pathian zong nih misual kasi tiin Pathian hmaika ah sualphuantu hna hi kan Bawipa Pathian nih zangfahnak in khamhnak sunglawituk mi ahmuh bantuk asi, Lih le hrawkhrawl in mitha kasi ko, sualnak ka ngei lo ati pohpoh mi hi zei tik hmanh ah thawng In chung in chuah asi lai lo bantuk in Pathian hmai ah misual kasi ati duh lo mi poh cu zangfahnak an co ball ai lo afiang ko.

Mah bia nih hin hmusaknak thuk ngai a ngei, Pathian hmaika ah tlinglo kan si timi theih bu in kan tlinh lonak thup in, mitling kasi, sualnak ka ngei lo tiin midang sualnak longlong kan hmuh piak tawn khi asi, mah le mah cu mi fel, mitha ah kan I umter cu, cu ruahnak cu kan Pathian duh lo bik mi khi asi, aruang cu Pathian hmai ah cun aho hmanh mitling le mi fel kan um lo zia alang dih ko cu, mah cu maw ka fel ve, ka tha ve, thla kacam ve, mi ka bawm ve, tiin tlawmpalte kan felnak cu hehset mi dang sual hmuhtu ah kan cang tawn ko e, apoi bak ko Bawipa misual ka si rak kan ngaithiam ko tiah, mah sual hmuh-I afiang mi poh poh hi Pathian zangfahnak nih akan dawn peng ko dakaw Unau!

Nihin ni ah hin kan vawlei phung in tuah mi sual kan ngei lo ah cun, mitha mifel ah kan iruah tawn mi hi Bible ning in adik lo ngai mi asi, Pathian nih sual ati mi cu kan tuah bak lo mi Adam sualnak cu misual nasi tiah akan timitu khi asi, afiang mi caah cun afawi ngai te, afiang rih lo mi caah cun ahar ngai fawn cu, zei kan si zong ah Pathian hmai ah misual kan sinak phuan hi Pathian duh mi asi, mah hnu long ah Pathian zangfahnak kan co lai timi hi Bible cawn piak ning asi.

Zumtu nunnak zong ah Khreih tel lo in zei hmanh tikhawhnak  ngei lo in, sualnak nih ateituk cang ruang ah, sualnak lam longte azulh mi zong hi kan ralpa setan hruainak asi, mah vialte cu atheih fiang mi hna nih nunnak lam dik lei ah akaltertu cu khrih zangfahnak thawng in asi tiah afiang mi poh cu zungzal in zungzal tiang Bawipa thiang thlarau hruainak lam dik zawhtu asi.