Taliban acoyah nih an biakam ning si lo in, ahlan ah an kal ning bantuk in TV le radio-ah Nu hna hlasak le biachim hna khamhnak nawl achuahter hawi cang,

29th September 2021 ah Afghanistan ram chung ah khawkhan laireltu Taliban acoyah hna nih cun, huap kau ngai in Nu hna zong diknak covo upat piak asi lai tiah anrak chim cang ko nain, mah an bia chim cang mi cu um zia angei taktak lo khi asi cang, Acoyah thar anrak tuah hnu ah atu bantuk in thil khamhnak aphunphun chuahter in, a bik in Nu hna caah tiah khamh ding mi rule of law cu tuah in, Nu hna cu school kal khamh piak asi hnu ah, women ministry min zong an thlen piak cang fawn hna khi asi.


Nu riantuan mi hna zong an rian ah kal tilo ding in nawl an chuah cang fawn, Kandahar province-ah Taliban nih Nu hna hlasak le aw/voice cu TV le radio channel-hna ah chuahter ti lo ding in khamhnak nawl an chuah cang fawn, Nu hna hi sport/ lentecelh nak lei zong ah tel ti lo ding in nawl an chuah hawi cang fawn, Afghanistan women cricket team hna zong khel rem an ti piak hna tilo khi asi, vawlei cung ah Pathian ser mi minung ceu ceu ah Afghan ram chung Taliban acoyah nih atu bantuk in Nu hna zei hmanh covo ngeih lo bak in an tuah than hna cang, mah pin ah fimthiam cawnnak lei zong khamh piak asi mi hi apoi taktak ko.

Cultural commission hruaitu bik Ahmadullah Wasiq nih sport hna hi nu caah zei hmanh san tlainak angei lo mi asi tiah achim, Taliban-hna nih hin Helmand province-ah mipa hna cu hmurhmul metfai ti lo ding in khamh asi fawn cang, Islamic law kalh a si tiin, mah dan/dun buar mi hna cu, fakpi in action/hrem asi lai tiah an ti, mah long si lo cahna chaih (kite-flying) zong Afghanistan-ah khawkhan lairel tu hna nih an khamh bak ko, aruang cu mah Kite-flying an tuah mi hi mino le ngakchia hna nih thlacamnak le biaknak lei ah can an ngei lo nak asi caah, biaknak lei le thlacamnak ah cang an pek khawhnak hnga khamh asi an ti.