Trump a Lungdong lo January 6 ah buainak nganpi a Chuak kho

January 6 ah hin US congress nih Joe Biden cu President sinak formally validates tuah timh ni a si. An tuah khawh lai tiah zumh a si nain Trump suppoter hna nih cun ruah loning le khuaruahar in thil a thleng lai tiah an zumh. Electoral college nih Joe Biden cu President Elect caah certify an tuahmi cu an hnon khawh hrimhrim lai tiah an zumh.Republican congressman minung 140 nih cun Joe Biden nih electoral college a hmuhmi vote hi phungning lo a si caah kan hnon lai tiah an chim cang.

Pennsylvania state nih thimnak phung an tuahmi hrimhrim hi anmah state lila nih an zulh duh lo, an buar caah phungning loin tuahmi election a si caah kan hnon hrimhrim lai tiah Pennsylvania state in thimthar mi Republican congressman pathum Marjorie Taylor Greene, Madison Cawthorn, Lauren Boebert, le Diana Harshbarger -nih an chim cang.Missouri senator Josh Hawley, kum 40 nih Electoral college vote cu a dohkalh caah congress ah debate an tuah khawh men. Debate an tuah i vote an thlak ahcun President Trump nih teinak a co khawh men tiah zumh a si.

Trump Supporter pawl nih election ah vote firnak tampi a um. Mial-in ballot thlakmi hrimhrim hi a dik lo tukmi a si. Aho nih vote thlak timi zong kherh hlai khawhmi a si lo. Facebook, Twitter le Google nih a herh lo tiang in election ah an i thlak, ttanhlei ngeih tuk in thil an tuah caah mipi nih thil dik an hngal kho lo” tiah Senator Hawley nih a chim. Election firnak le buainak vialte hi congress hrimhrim nih investigation tuah hrimhrim a herh tiah a chim.January 6 ah hin Joe Biden cu US President ah an fehter kho taktak lai maw? Asiloah President Donald Trump nih a donghnak bik election result hnon an duhmi a hnon kho lai maw timi hi cu mi thinung a hnin ngaimi a si. Cucaah January 6 hi cu thindomh cio in zoh a hau. Source: Salai Lairamthang

 Relchap:- Van(Space) Ah Thlai Cin Khawh A Si Cang Lai 

University of Tokyo nih kherhhlainak a tuah i, tuhnu kum rau lo te ahcun van boruak (space) ah khin minung zun hmang in thlai ciin khawh a si cang lai, tiah research an tuahnak in an hmuh.

Vawleicung ah minung kan karhtuk cang caah kan pawngkam um thingkung le saram, tiva le vawlei tiang kan hrawh dih deng cang. Kum fatin eidin kan hmuhnak vawleipi cu rawh lei a panh. Minung kan kar chinchin peng caah eidin hmuh zong a har chinchin ve fawn. Cinthlaknak hmun tampi um ko hmanhsehlaw hi nih hin hmailei caan sau a nguh lai lo i, khua caan a rawh chin lengmang cang ruang zong ah minung umnak thlak a si te lai lo, tiah mithiam(scientists) pawl nih an chim. Cu caah kan umnak vawlei(Earth) silo vawlei dang an kawl ah mithiam rual pawl an i thawh. Thlapa le Arfi hna zong ah um khawhnak hmun hma a um hnga maw, tiah hlathlainak ngan pipi an tuah cuahmah lio. An hlathlainak ah a herh cemmi cu minung nun khawhnak ti le rawl eiding a si. Cu hna tello cun nun khawh a si lo. University of Tokyo i Research tuahtu hna nih van boruak ah thlai rawl cin khawhnak lam a um ko, tiah tiah hniksaknak(experiment) an tuahnak in an hmuh. Dr. Sazuki le a hawile rual nih kum thong tampi chung cu minung nih thlai cinnak ah sattil zun le ek an rak hman cang cu an hngalh. Hi bantuk in minung zun le ek zong in thlai cawm khawh a si ko, ti zong an hngalh. Cu tik ah van boruak ah khin nawn(fertilizer) tel lo in thlai cinthlak khawhnak lam a um le um lo hneksaknak a tuah. Cu ti an tuah tik ah a hung hlawhtling. “Hi nih hin hmailei minung nunnak ah ruahchannak tampi a kan ngeihter,” tiah Dr. Sazuki le a hawi le nih an chim.