Trump caah Thawngpang tha, a Sibawipa Nih Trump Dirhmun a Phuan Cang

Trump caah cun thawngpang tha bak cu a si. Trump a zohkhenhtu sibawi pa bak nih mipi sinah tu zarhteni Saturday hin aa teltum kho cang lai tiah thawng a thanh. Trump hi naite khan Covid-19 positive in a zaw ve. White House lei sibawi thiam Physician bak a simi Dr.Sean Conley nih cun Trump hi a zawt kaa thok te khan a thisen, oxygen le thil dang vialte hi normal a si ko tiah a chim. Hi kong he pehtlaiin in cathanh in a langhter. Election ni tlawmpal lawng aa duh ah Trump hi Covid-19 in a zawt hi a si.

Zahan khan Trump nih Florida ah aralaimi zarhteni khin biachimnak ka  ngei lai tiah a phuan. Cun zarhpini zong khin Pennsylvania ah biachim dingin timhtuahnak a um rih. Cun Presidential Debate zong tuah than dingin timhtuahnak a um rih. Trump campaign manager nih cun Debate hi a hmun ah minung le minung hmaitonh in a si awk a si tiah nawlnak a tuah. Asinain debate lei tawlreltu hna nih a ralaimi zarh debate cu a lang hlat (virtual) in a si lai tiah a ti ve. Hi kong he pehtlaiin Trump nih a langhlat TV i Biden he debate ahcun kaa tel lai lo tiah a chim ve. Thawngpang dang a um cun kan vanthanh than te lai. Source: Daily Mail

Hi kong hi rel chap.

Ks. 200,000 in Sui Hlei Tial bulhnak a tuah cu Sui Bawi hi upat tlak taktak a rak si.

USA ummi tlangval Sui Bawi nih nai i Malaysia ah mual a kan liamtak i Thantlang lamkam i hranhramlo in an vuimi nungak Sui Hlei Tial ngeihchiatpinak ah Ks 200,000 in bulhnak a pek ve hna. Hi kong he pehtlai in Sui Bawi nih “Ka theihmi le ka hngalh mi cu an si lo nain, cubantuk thawngpang ka vun theih cu a celh in ka celh lo. Phaisa hi ka ngeih caah le kai phorhlawt ruangah si lo, ka ngeihchiatpi tuk ve hna nak le ka tuarpi ve hnanak langhter ka duh ve caah asi. Hmailei ahcun hi bantuk hi cu cang ti hram hlah seh ti ka duh ko” tiah a chim. Tlangval Sui Bawi hi aluancia caan chung zongah khan miharsa bawmhnak ah a mar a zaang ngaimi le tlawm a ngai taktak mi asi. Sui Bawi a lungthin put, a luancia caan a rak cawlcanghnak tete hi upat tlak taktak a si.

Kan farnu Sui Hlei Tial cu Refugee dirhmun in Malaysia ah a um mi a si. Vanchiat ah inn dot 9nak in a tla i a nunnak a liam. A ruak tal chungkhar sin ah rak phan seh tiah biatak tein an i zuam hnu ah Laitlang lei ah a ruak cu rak tlun pi asi. A sinain Thantlang khua luh lai ah Nawl ngeitu kawl pawl nih an kham hna. Cu lawng hmanh si loin lam laklawh ah a ruak an vui. Hi kong ah Laimi dihlak lung a fak, cu caah a lam kip in cawlcangh cio a hun si cang. Source: VOM