Trump Cu A Sivang Tak Tak Cang.

Trump cu khuaruahhar in a u m cang ko . A poi tak tak ti pin chim awk a um ti lo. Trump zong a lungtling lo ngai ngai. Hi ti hin a langhter. Zahan ah pei keimah nih fiang tak tak in hma ka hruai i teinak ka hmuh ka ti pei. Abik in Democratic pawl hmunhma state pawl ah teinak ka hmuh hi a si. Asinain pakhat hnu pakhat a mak tak tak. Vote an tlau thluahmah ko cang. Vote ttuh pawl rel a van si bak ah hi thil hi a chuak. Apoi kho tak tak. A mak tuk i aa phundang tak tak. Cun Poll umtu ning a tuaktan tu pawl zong dik lo tak tak in an i palh dih cikcek tiah a langhter.  Trump nih hin a rak chim chungmi a um. Democrats pawl nih vote tuh in teinak an hmuh khawhmi a si tiah ralrin biatak tein a rak pek cia hna. Tutan hi Trump nih a chimmi hi tlin tak tak dawh in a um. Trump a thawnnak State timi pawl le a tangmi ah Biden nih hma a hruai thluamah cang. Trump caah cun sivang luri bak a si cang.

(A tanglei capar hi van rel chap. Tu chun kan tial cia mi an si) Thinphang ngaingai khi asi. Donald Trump nih Voter Fraud an um US Supreme Court ah kan kal lai an ti. Vote rel lio mi zong rel ti rih lo dingin a duhnak kong a chim. Hi bia a chim hnu hin mi cheukhat nihcun Donald Trump hi a thinphang ruang ah hi bia hi a chim ko hi an ti ve. Hi lio ah hin Biden tu cu aa zum taktak. Vote rel lio mi dinh ter a timh i High Court ah a kal ahcun Legal Team ready cia te in kan neih tiah a hrocer ve. Biden nih a ngamh taktak.

A tu tiang ah Republican Donald Trump dirhmun a tha lo ngaingai. A tu hi ruah lo piin tla kho dirhmun ah a dir cang. A tu tiang ah Democrat Joe Biden nih electoral votes 238 bak a hmuh cang. Cu lio ahcun Donald Trump nih electoral votes 213 lawng lawng a hmuh rih. Mah cacun thinphang ngaingai khi a si. Thlacam nak in bawmh a herh taktak. Vote hi rel thlu a si rih lo caah thil cu i thleng than kho a si. Mah cacun Donald Trump nih teinak a hmuh khawhnak hnga heh tiah thla rak cam piak ko ulaw.

(Mah capar hi zinglei kan tial cia mi kha asi) Wow Donald Trump cu aa zum taktak cang hi. Twitter bak ah tunai khan hi bia hi a van tweets, “WE ARE LOOKING REALLY GOOD ALL OVER THE COUNTRY. THANK YOU!” tiah ram pumpuluk ah an party cu an thawng tuk bia a van langhter i lawmhbia a van chim. A zum bak ko hi. Cu lio ahcun Florida tu hi thinpang ngaingai a si rih.

A tu nai te bak khan Donald Trump nih Kansas ah teinak a van hmuh than. Cu lio ah Florida tu ahcun Trump nih hin tlawm pal te lawng lawng in hma a hruai. Percentage ah Democrat Joe Biden nih 48% a hmuh lio ah Donald Trump nih 50.7 % a hmuh. A vote number in cun Joe Biden nih-30,387,394 a hmu. Donald Trump nih 32,095,641 a hmuh ve. An i dan nak hi tlawm pal te lawng lawng a si caah thin a phang ngaingai rih. Florida results hi hngah cuah mah lio mi a si.

A tanglei ah US Presidential Elections results Updates kan van thlah rak rel cio u. US thimnak result cu suimilam pakhat hnu pakhat alinsa chin lengmang ko hih. A ho poh mitkuh vuailoin result kan hngak cio ttheo lai. A ruang cu tukum thimnak hi a biapi tukmi asi caah a si awk zong cu asi veko. AN vote hi zoh tikah thinlung alinhsat ter tuk aa zaycio cio bak khi an si ko. Thin hna aphang thulh, lungthin hna a cawlcangh ning a vun rang deuh thulh. A nuam taktak khi siko.

US Presidential Elections Results Updates :

Tu zinglei Suimilam 7:30 am(IST) tiang ah Republican Donald Trump nih Arkansas, Alabama, Mississippi, Kentucky, Oklahoma le Tennessee hna ah tei nak a hmuh.

Cu lio ah Democrat Joe Biden nih Connecticut, Delaware, Illinois, Maryland,Massachusetts, New Jersey le Rhode Island hna ah tei nak a hmuh ve. Mah hi zinglei Suimilam 7:30 am tiang ah a si ti kha nan theih awk ah ka duh.

Tu zinglei Suimilam 7:50 am (IST) ah hi bantuk hin an dirhmun a si. Republican Donald Trump nih Louisiana, Nebraska, Nebraska’s 3rd Congressional District, North Dakota, South Dakota le Wyoming ah teinak a hmuh than.

Cu lio ahcun Democrat Joa Biden nih New Mexico and New York ah teinak a hmuh ve fawn.

Kha vial kha si rih seh. Updates um bak in kan van post than lai. News rel tu nan dih lak cung ah lunglawmhnak tampi kan ngei.