Trump cu a umnak Hmun Mar-a Lago lei ah Sunglawi tak tak in an rak Don

Tuni khan US President thar caah le a voi 46 US President si dingin Biden nih biakamnak a tuah. US President tak tak a si cang. US President vialte lakah a tar bik asi i A kum hi 78 bak  a si. Tuzing zing lei suimilam 8: 12am tluk khan US President umnak White House cu Marine One vanlawng in a chuah tak.Tuni US President thar thimnak ah Biden nih “Democray nih teinak a hmuh” tiah a langhter. Naite US capitol i buainak kong ah mawhchiatnak bia tampi a chim.

Tuni ah Trump hi a chim cia bantuk in  a lang duh bak lo i Florida i a umnak inn Mar Lago lei ah caan a hmang diam. Vice President Mike Pence tu nih mithmai panh tuk lo tein a telpi hna.

Trump belte cu a inn umank Florida lei ah amah thazaang a petu hna nih heh tiah an rak conghlawmh. A inn dawh umnak Mar Lago lei panhnak Palm Beach ahcun minung tam tak tak nih an rak don. Heh tiah an thangthat. Inn ah rak tlung cang. Welcome home, Kum 4 thaba ngai in rian na kan tuanpiakmi cungah kan i lawm tuk tiah Trump cu an lawmh.

Trump nih White House a chuahtak lai te i a chimmi:-

A voi 45 nak US President Trump nih White House a chuahtak ruangmang cang. Tuzing zing lei suimilam 8: 12am tluk khan US President umnak White House cu Marine One vanlawng in a chuah tak. A donghnak i thawnglatu hna sin ah hi bia te hi a chim ta. “ President rian tuan hi damchung kaa chim dingmi upatnak le thangthatnak a si “ tiah a chim ta.

Tlawmpal ah White House rianttuantu vialte hna cu ‘Nun nuam tein rak hmang cio uh’ have a nice life tiah a chim fawn. Trump Florida i a ummnak inn nuam tak tak Mar a Lago lei a panh.

Trump hi Biden President lawmhnak puai ah hin aa tel lai lo. US President hna lakah amah lawng hi bantuk in President thar puai tel pi lo tu hi a si lo. US President hna lak zong ah President thar a tel pilo tu hi an rak um bal ve cang. A hnubik cu 1869 kum khan a si. Vice President Mike Pence tu aa tel lai.

Source: Daily Mail.