Trump cu hi ti bak hin a Twitter in Chuah a simi ah Hillary Clinton nih a Nihsawh

Trump cu Facebook, Instagram le Twitter i an phih cu Hillary Clinton zong a rak i lawm tak tak. Aa lawmh zong a mawh bak ve lo. Trump he uico le chizawh bantuk in aa huami an si ve caah a si. Trump cu cacawn ni ngani (Friday) ah khan Twitter bak in chuah law law a si. Hi thil a can dih bak hin Hillary Clinton cu aa lawm tuk i 2016 kum lio Twitter i a catial cia cu comment a thar in apek than.

2016, June thla khan Trump le Hillary Clinton hna hi US President caah tiah heh Campaign an rak tuah lio cingling a si. Twitter, Facebook ti pawl ah heh tiah an rak i phomh peng.2016 June thla ah khan Hillary nih Trump cu ‘Delete Your Account” Na Twitter hi Delete tiah ca a rak post bal.

Zahan nai i Trump cu Twitter i an phih dih bak in Hillary nih amah capost mi tang te ah Tick emoji in comment a pek. A langhter duhmi cu Ka chimmi a tling cang a ti duhnak bantuk a si. Hillary Clinton zong aa lawm tak tak tinak a si. A hlan a capostmi ah comment a thar in a van pek hi a si. Source:Daily Mail

Relchap:-Democrats Le a Dirkamhtu pawl Lungput cu Communist Lungput.

Democrats le democrats a dirkamhtu pawl lungput cu communist, socialist le ralkap cozah bantuk ah an i chuah chin lengmang. Anmah he ruahnak a kalhmi, anmah a dotu hna le an ttihmi hna cu pakhat hnu pakhat in an aw-an phih khar piak an i zuam. President Trump i, facebook, twitter le President twitter account le election campaign a tuahnak account tiang in an phih piak. Republican, conservative aw-an vialte phih khar an timh.

Democrats pawl nih an control mi, Amazon, Apple le Google nih Conservative pawl nih an hmanmi Parley cu an phih piak hoi hna. Parley cu 2018 in conservative pawl nih hman hram an rak thawkmi social media pakhat a si.Democrats pawl nih mah bantuk thil an tuahmih hi President Trump an ttih tuk ruang le a kan tei lai ti an phan caah si dawh bik a si. Source: Salai Lairamthang.