Trump cu President ca i thim tharmi Biden lawmhnak Ni Inauguration January 20 ah zeidah a tuah lai?

US President Trump cu President ca i thim tharmi Biden lawmhnak Ni Inauguration January 20 ah zeidah a tuah lai. Trump cu President elect Biden inauguration ni hlan pi in Washington cu a chuahtak lai tiah chim a si. Ahlan te khan Trump nih fiang tein tutan US President ca i thim tharmi Biden biakamnak ni January 20 (inauguration day)  ah hin tel hrim aa tim lo.

Trump nih cun lih le hrawkhrol in a tlingmi Biden a si tiah fak tuk in  a zumh peng rih. A dongh tiang bak dir aa tim.Trump aiawh ah US Vice President Mike Pence tu Biden lawmhpinak January 20 ah hin aa tel lai. Trump belte cu a hawi le he Florida ah caan a hmang diam lai. Source: Times of India.

Relchap:- January 20 i Biden Thlachuah a Petu Ding Pa Rev. Dr. Silvester Beaman Konglam 

January 20 i Biden US President ding i biakamanak a tuah tikah Rev. Dr. Silvester Beaman nih thluachuah halpiaktu le thlacamtu a si lai. Rev. Dr. Silvester Beaman hi Biden Family he kum 30 leng aa thei cangmi a si i Biden fapa upa Beau Biden he zong aa kawm tukmi an si. Hi pa hi Democrats lei a thanh ngaimi a si.

January ni 20,2021 cu America mipi hna cu President thar an ngei cang lai:Kum li chung ram uk tu ding avoi 46th nak President attuan dingmi Joe Biden le Vice President attuan dingmi Kamala Harris nih U.S Ram uk tu sinak tlamtling tein biakam nak an ngei lai.Inauguration Day cu ro pui emem dingin timhlamh nak an ngei. Vawlei cungah hlasak thiam taktak hna nih hla dawhdawh an sak lai i boi rank sang pipi nih bia an chim lai.

Cuti cun aro pui khawh chungin tuah dingin timhlamh nak an ngei. Ram hla asa ding hi Vawlei cung a hnin tu awttha bak mi Lady Gaga asi lai. Cun atu lio alar tuk mi Jennifer Lopez zongnih Musical performance nak a ngei vel ai. Cu hnu ah cabia arel tu dingah Amanda Gorman asi lai. (Benediction) thluachuah hal piak tu ding cu Rev. Dr. Silvester Beaman a si lai.

Zanlei sang Suimilam 8:30PM ET! ah Tom Hanks (Actor & Filmmaker) nih Host attuan lai i hlan lio minthang taktak mi Bon Jovi nih hla asak lai cun adang minthang hna Demi Lovato, Justin Timberlake le Country hlasak thiam tuk mi Brad Paisley cun Hip-hop hlasak amak tuk mi Ant Clemons tiin an puai cu an lawm lai.Cu caah January ni 20 thok cun America mipi hna cu President thar an ngei cang lai. An mah ram chungmi lawng i ngeih si loin ramdang mi hna zong nih an i ngeih tuk ve ti asi. Hi ah hin ram tampi nih an rak lawmhpi cio lai i Kawlram zongnih arak cawnglawmh ve lai ti asi. Source: CCN