Trump Fanu Ivanka cu A Tap Bak Ko. A pa Trump Donghnak Biachim a Celh Ruam Lo eee

Tuzing Trump nih White House a chuahtak lai tak tak cu a fanu Ivanka Trump zong a celh ruam lo. A ngaih a chia i a biang ah mitthli a luang. Trump le a fanu Ivanka Trump hna ipehtlaihnak hi a tha tuk i Trump US President a tuan chung vialte kha a fanu Ivanka hi President ruahnak petu (Advisor) a si. Trump caah a biapi tak takmi nu a si. A rianttuannak ah thil tam tak tak a bawmh. President Advisor a si caah a rian zong a si fawn. 

Ivanka Trump hi kum 39 a si i tuzing a pa Trump US President i a biachim donghnak a zoh cu a celh bak lo. Ivanka Trump hi a pasal Jared Kushner le a fale he Trump biachimmi hi an ngai. A celh ruam ve lo. A tap bak ko. A mitthli hi theih tuk lo ding tein a hnawh zok zok. 

Tlawmpal ah A voi 45 nak US President Trump nih White House a chuahtak ruangmang. Tuzing zing lei suimilam 8: 12am tluk khan US President umnak White House cu Marine One vanlawng in a chuah tak. A donghnak i thawnglatu hna sin ah hi bia te hi a chim ta. “ President rian tuan hi damchung kaa chim dingmi upatnak le thangthatnak a si “ tiah a chim ta.

Tlawmpal ah White House rianttuantu vialte hna cu ‘Nun nuam tein rak hmang cio uh’ have a nice life tiah a chim fawn. Trump Florida i a ummnak inn nuam tak tak Mar a Lago lei a panh. Trump hi Biden President lawmhnak puai ah hin aa tel lai lo.

US President hna lakah amah lawng hi bantuk in President thar puai tel pi lo tu hi a si lo. US President hna lak zong ah President thar a tel pilo tu hi an rak um bal ve cang. A hnubik cu 1869 kum khan a si. Vice President Mike Pence tu aa tel lai. Source: Daily Mail  Trump aa citmi vanlawng he White House a chuahtak cang.