Trump hi an rak Tih bak. President in aa dinh cang hnu zong ah Democrats lei nih hi thil hi tuah an timh Than.

Note: Trump hi an rak tih bak, a Rian in aa dinh cang hnu zong ah US President rian tuan kho ti lo dingin phuah tak tak timh a si. Hmaizarh in President icuh kho ti lo dingin tazacuai an thawk cang lai.

President Hlun, Donald Trump Impeachment: President hlun, Donald Trum cu Capitol Hill buainak ruangah House nih impeachment an tuah i, a sual tiah bia an chah. Mah bia an chahmi cu Senate nih tazacuai ding a si. Hmaizarh cacawn nikhat ni January 25 ah khin House Speaker Nancy Pelosi nih Senate Majority leader Chuck Shumer sin ah Article of Impeachment cu a pek lai i, tazacuai an thawk cang lai.

Senate Democrats hruaitu Schumer nih a chimnak ah Republican hruaitu hna he free and fair tein tazacuai tuah khawhnak dingah biaruahnak kan ngei cang. Tazacuainak kan tuah lai, senate nih a sual le sual lo biachahnak an ngei lai” tiah tuchun ah a chim.President hlun Donald Trump taza an cuainak cu “ The Article of Impeachment for Incitement of Insurrection ti a si. Capitol Hill buainak ah a chunglei in a cawlcangtu le a bawmtu hna a si tiah an puh.

Senate ah Impeachment a tuahtu ding hna cu House I democrats palai hna a simi, Jamie Raskin, Joaguin Castro, Eric Swawell, Ted Lieu le Diana DeGette hna na si lai. President Trump lei caah sihni a tuantu ding hna cu, South Carolina I a ummi, Law Firm, Butch Bowers pawl an si lai. Mah hna hi minthang ngaingai mi law firm an si. South Carolina Gov. Henry McMaster le Gov.hlun, Nikki Haley ca zongah sihni a rak tuan balmi an si.

Presidnet hlun Trump tazacuainak cu US Supreme Court hruainak in tuah a si lai. House in impeachment an tuahtu hna nih managers an tuah lai I, Donald Trump an sualnak kong telhte he an chuahpi dih hnu ah Trump sihni hna nih a sual lonak an chim ve lai. Mah hnu ah Senate ah debate an tuah than lai I, a donghnak ah a sual le sual lo Senator minung 100 nih vote thlak a si lai. Senator dihlak cheuthum cheu hnih hnatlaknak lawng in sual phawt khawh a si.

Senator minung 67 nih a sual tiah vote an tlak ahcun Donald Trump cu sual ah chiah a si te lai. Asinain Senate ah hin Democrats le Republican senator 50 veve an um. Cucaah Republican senator minung 17 nih Democrats lei ah an ttan a hau. Republican Senator minung 17 nih Donald Trump an kal taak ding hi cu a si kho lomi a si caah Democrats pawl nih Trump taza an cuaimi hi an hlawhtlin lai ka zum lo. Source: Salai Lairamthang (Salai Lairamthang hi US thawngang a tial peng le update kho pengmi a si. US kong zong tampi a cawng i a thei ngaimi a si. A news kan lak tawnnak a ruang aa telmi cu news hi tling te le tawi fel tein a tial khawh ca zong a si.