Trump Le Biden Tuzing An I Phomhnak pawl Langhter A Si Cang.

Trump & Biden Final Debate Point Zeimawzat

Tu zan an debate cu zoh a nuam ngai. A voikhat lio naak in tu tan cu President Trump a ti tha. Biden zong a tha ve nain a voikhat lio naak in a lei aa khukkhak deuh ngai. Moderator nu hi Democrat a si i, a hramthok hrawng cu a tha ngai nain a lai hrawng in cun a color chuak pah. Trump biachim a tan lengmang. Biden cu voikhat hmanh a tan lo; Biden chim nolh a time poah cun a onpiak lengmang.

A caan ahcun biahalnak thar a vun tuah i Biden lawng a hal i Trump lehter loin lanh tak a timh tawn; Trump nih a hal hnu lawngah a chimter than lengmang. Theih khawh ngai a si. Bia a halmi hna a tam. An bia lehmi hna zoh tikah Trump nih a tei ngaingai. Tuzan cu ahodah American mipi caa riantuantu taktak a si timi a vun lang.

Atu lioah a lar ngaimi Joe Biden fapa i Ukraine le Taluk i rian a tuannak kong a hal. Joe Biden nih cun lih a si a ti than, Hunter computer an hmuhmi zong hi Russia kut a si tiah nawnnok a timh than. Trump nih a duh lo kho tuk. Taluk in tangka tam tuk na hmuh ve ko tiah Biden nih a tuk ve nain Trump nih aa leh tha lo. 2013-15 lio thil a si. President ka tuan hlan a si a ti. Ka ngol diam cang tiah a leh.

A voikhatnak ah khan Virus ruangah US khar than le khar than lo kong hal an rak si. Trump nih cun sianginn zong an kai lai; restaurant le business vialte kan on lai a ti. Kan sunghmi a tam pinah nunnak a rawk tuk a rak ti. Biden nih cun US khar than ding in a rak chim. Trump nih ‘na khar lai maw?’ tiah a rak hal than i, ‘yes” a rak ti. Asinain Joe Biden nih cun kan khar lai ka ti lo tiah tu zan aa pheh than.

Miphun thleidannak kong a hal than hna. Biden nih miphun thleidannak ngei bik na si. Hi vialte kan tonmi buainak hi nangmah ruangah an si a ti. Trump nih miphun thleidannak ka ngeih lei ngeih lo cu tiah Asian,minak le miphun dang hna caah rian a sermi a vun chim; Inn Raang ah miphun dang he tonnak an ngeihnak le tangka in a bawmhnak hna vialte a chim. Kum 8 chungah zei hmanh tuahmi nan ngei lo tiah Obama le a kawi pa cu a phomh hna.

Election kongah naite zong Proud Boys (Trump tanhtu or vun raang kal sual pawl) min in Taluk, Russia le Iran nih vote thlatu pawl sinah thihpheihnak le hrocernak ca an kuat hna ti a si. Lam dang zong in an i hrolh len than ti an theih.  Biden nih Russia cungah na nem tuk tiah Trump a ti. Keimah naak in Russsia cungah a hrang deuhmi an um lai lo. Dan ka tatmi tluk in a hohmanh nih dan nan tat hna lo; NATO ka thawntermi zong hi Russia tlaihhipnak caah a si tiah a leh.

A sau i, lanh tak ko cang u sih law, a donghnak ah a halmi hna cu President tling u law an vote duh lomi hna sinah zeidah nan chim lai tiah a hal. Kahin Joe cu politically correct tein biachim a thiam ngai. Rualrem tein kaarhlaang ti ding in ka sawm hna lai; party pakhat president lawng ka si lai lo; American mipi president ka si lai a ti.

Trump nih cun politically correct ngaiin a chim lo. American mipi caah zeitluk in dah rian a tuan khah a langhter. A donghnak a chimmi cu ‘hlawhtlinnak nih a kan fonh than te ko lai’ (success will unite us) a ti. Hi catlang te nih hin president a tuan hnawh chan a langhter ngai tiah ka ruah.

North Korea kong in, climate kong in health care in mipem kong in issue tam ngai a hal hna. Biden nih million in illegal mipem kan ngeihmi hna hi miphun sinak ka pek hna lai a timi nih an lung a lawmhter ve hna lai.

Credit : Luther Tin Hre

(mah capar hi van rel chap) Gospel Singer Esther Van Hnem Sung fanu cu a ngan bak cang. Duh a nung kho taktak si. Esther zong nih caan kal a rang tak si tiah a chim ve fawn. Kan lawmhpi tuk hring hran. Hi bantuk in Bawipa nih fanu duhnung tuk a pek hna hi kan lawmhpi taktak. A tang bak hmanthlak ka van thlah mi hi Esther nih a van chiah thar bikmi asi. Mah ti hin Esther Van Hnem Sung nih a chim, “Nute a pa studio ah caan hmang kho ve cang Caan kal a rang tak si! 😘 A tlat in punghman ten hla van tuah than lai kai ngeih tak tak ☺️ S•e•v•e•n Weeks Old” tiah thla 7 a tlin cang bia a chim. (Note : a tu ahcun thla 2 a tling cang)

Gospel Singer Esther Van Hnem Sung cu Pi ti a si ve cang lai. A ruang cu fanu a neih cang caah a si. Kan lawmhpi tuk hring hran. A fanu cu duh a nung kho taktak. Hi bantuk in kan minthang hna nih fanu duhnung an neih tik ah kan lawmh pi tuk hring hran. Bawipa thluachuah a si. An fanu te siseh duh a nung taktak fawn. Hlasakthiam Esther Van Hnem Sung fanu hi thla 1 a tling ve cang. Tutan ah fa a neih nak kong a thei lomi nan um sual ah tiah kan van in share hna hi a si.

Hlasakthiam Esther Van Hnem Sung hi Laimi nih Gospel Singer kan neih mi hna lakah a special bakmi a si. Hlasakthiam taktak a si pinn ah hlasakmi paoh a nung ngaingai tawn. Hi bantuk in minthang kan neih mi hna nih fanu fapa an neih tik ah lawmhpi lo awk an tha lo. Laimi kan nan a tha, Pathian kilvennak thawngin kan karh thluahmah ko hi.

Tutan hlasakthiam Esther Van Hnem Sung fanu kan van tarmi hi a min Cu Sang Hluan Par a si tiah kan theih. Bawipa nih kilven piak sehlaw ngandamnak he nifaten a thanchoh nak ah Bawipa nih a lam hruai piak peng ko seh. Kan lawmhpi tuk hring hran. Congratulations.

Photo Credit : Esther VH Sung