Trump le Trump fanu Ivanka an Ruahnak Fak tuk in aa Kalh Cang.

Trump le Trump fanu Ivanka an ruahnak aa kalh cang. Asinain thil pipa tuk ahcun a si lem lo. Ivanka Trump nih cun tutan US President thar ding i ruahmi Biden US President thar i cohlannak Ni Inauguration Program ah ka kal lai tiah a phuan. Trump belte nih kal bak hlah seh ti a duh.

White House Insider timi tadinca nih a langhter ning ah Tutan Trump fanu nih January 20 i US President thar ding Biden US President ding i lawmh luhnak ni (inauguration) i kal a timh cu biakhiahnak a tuahmi vialte lak ah a tha lo bikmi biakhiahnak a tuah a si tiah a langhter.

Trump belte cu, naite Twitter nih an kham hlan khan Twitter ah ‘Tutan January 20, Biden US President i lawmhnak Ni ah hin ka kal lai lo tiah fiang tuk in a rak langhter cang. Asinain tutan ah Trump fanu Ivanka belte cu kal bak aa tim. Trump ruahnak ahcun lih le hrokhrawl i election result ah hin kal aa tim hrimhrim lo.

Mi thiam cheukhat nih an langhter ning ah tutan Ivanka Trump nih Janarry 20, Inaugruation Program i kal aa timh hi a hmai Politics lamtluan ah thatnak a chuahpi lai tiah a ruat tiah an ti. Ivanka hi hmailei ah US President maw ramkhel lei ah pakhat khat ah aa pe te kho men. Cucaah a hmailei a zoh caah hnuzultu le amah thazaang petu an tam khawh nak lai  caan tha ah a lak an ti ve. Source: Daily Mail