Trump nih US ram Pemnak (immigration plan) ah Chungkhar auhnak nakin thiamnak a ngeimi (Skill Workers) le fimthiamnak a ngeimi hi biapi deuh a chiah cang lai

US President Donald Trump nih tuni Thursday (US Timing) khan US ram pemluhnak (Immigration) phun remhnak ding i a duhnak (proposal) a langhter cang. Trump nih US ram pemnak phung a duhning hi liamcia phung he tampi aa dang. Hi phung hi kalpi tak tak a si tikah cun Lai mi caah refugee ti dah lo fawi tein US luhnak a fawi ti lai lo tinak a si. Trump nih immigration (pemnak) phung pungsan a suaimi (plan) ah hin chungkhar he ipehtlaihnak (family connection) i iauhnak nakin thiamnak a ngeimi (Skill Workers) le fimthiamnak a ngeimi hi biapi deuh a chiah cang.

Chungkhat cingla si ruang i US ram luhnak nakin US ram nih a herhmi thiamnak (Skill) le fimthiamnak a ngeimi hi biapi chiah dingin a duhnak fakpi in a langhter. US ram nih a herhmi thiamnak a ngeimi auhnak (Skill immigration) hi 12% in 57% in maw a mah nak tam deuh tiang i kaiter dingin a timhlamhnak a langhter.

Tuni cacawn ni li ni (Thursday) khan President Trump nih kum tampi rak kalpi tawnmi family-based immigration in a fimmi le a bright mi mipem lak a duh deuhnak hi fak pin a dirpi cang. Cun US a luh ding i soknak a tuahmi vialte nih mirang ca (English) le biahalnak phun phun aa telmi U.S Civics test a phit i a awn a hau lai.

Trump nih immigration (pemnak) phung pungsan a suaimi (plan) ah hin chungkhar he ipehtlaihnak (family connection) i iauhnak nakin thiamnak a ngeimi (Skill Workers) le fimthiamnak a ngeimi hi biapi deuh a chiah hi a si.

Source: The Washington Post

Hi kong hi rel chap.

US President Trump nih National Emergency a Phuan Cang

US President Trump nih National emergency a phun cang ko. US phung ah President nih a herh ati ahcun National Emergency phunnak nawl a ngei. Hi President nawl ngeihnak hi special executive authority tiah kawh a si.  Tutan ah Trump nih national Emergency a phuanmi hi ramdang computer network lak i US computer networks vennak ding ah a si.

Trump nih hin ramdang phone i chonhnak network le computer network a ngeitu company pawl cu US ram venhimnak ca i tihnung tiah a ruahmi pawl khamnak ding ah min a thut hi asi.  Trump nih hin zei company set dah timi min belte a langhter lo. Asinain dothlatnak nih a langhter ning ah tuluk/China nih a ngeihmi Chinese telecommunications Company ngan Huawei hi a sawh duhbik a si tiah zumh a si.

Ram tampi nih tuluk nih a ngeihmi compay Chinese telecommunications company Huawei thilri pawl hi Tuluk nih ramdang ah a thlithup dothlat rian a tuanter tiah sualpuh a si. Asinain Huawei company belte nih hi bantuk lei ah zei hmanh pehtlaihhnak kan ngei lo tiah a phuan ve. White House thanh ca (Statement) nih a langhter ning ah Trump National Emergency nawlpeknak hi America ram caah America biathli thawngpang (information) pawl ramdang company lak i vennak ding caah a si tiah a langhter.

Hi kong he pehtlaiin Federal Communications Commission Chairman Ajit Pai zong nih Trump nawlpeknak hi America Computer network caah a herh tiah a dirpi ve.

US nih hin US ram chung federal agencies pawl cu Tuluk company Huawei thilri (product) pawl hmang lo in a rak forh cang hna i US hawikom ram Australia le New Zealand ram hna zong nih Huawei next-generation 5G mobile networks hi an rak kham veve cang fawn. Tulio hi US le Tuluk cu chawlehnak rian (trade) ah biatak an i hrocer lio a si.

Source: BBC

Hi kong hi rel chap.

Franklin Graham nih US Chinmi Khrihfa Nule Pa Ralrin a Pek Hna

US Chinmi khrihfa nulepa nih kan iralrin ding a um. Chinmi cu Khrihfa kan si bantuk hi kong hi khrihfa na si ko ahcun biapi ah na chiah ve awk a si. Vawleicung Evangelist minthang fapa Franklin Graham nih America ummi khrihfa hna ralrin fak ngaiin a pek. Cucaah Chinmi nule pa zong nih hi thil hi biapi ah kan chiah a herh. Hi thil hi nule pa, fa a ngeimi caah a si. America ram i a ummi na si i fa na ngeih ahcun naa ralrin tak tak a herh.

 Franklin Graham nih cun hi ti hin a langhter , ‘ Na fa le maw na tu le nih Cartoon ‘Arthur’ timi hi an zoh maw? America ram i TV channel a petu (The Public Broadcasting Service (PBS)nih nudok pa dok (gay), nu le nu (lesbian),mah chuahpi mi chia/that aa thei lomi (transgender) Patil kan timi pawl thazaang a pek. Arthur timi  cartoon channel i Episode a thar ahcun cawnpiaktu pakhat nih cartoon i aa telmi Pa dang a tthit.

Hi thitumnak ah hin sianghngakchia pawl nih cun ‘Vawlei thar a si tiah an au. The Public Broadcasting Service (PBS) hna nih hin cozah bawmhnak an hmuh. Zeiruang ah dah kan cozah nih hin hibantuk Bible nih sual tiah a ti mi hi bawmhnak (funding) a pek hnga?

Ka tax dollar hi hibantuk lei ah ka siang lo. Hi cartoon a zohtu tampi zong hi thil ruangah an lau lai i an lung zong a rawk lai tiah ka ruah. Hi bantuk kan fale ruahnak le thinlung a thleng khotu thil hi kan fale le kan tu le nih an zoh nak hnga lo The Public Broadcasting Service (PBS) pawl hi raltha te le fiang tein chim ngam dingin mi vialte kan thawh cio lai ka ruahchan tiah a langhter.

 Hi kong he pehtlaiin US ram i a ummi Nu le pa hna zong nih kan fale nih an zohmi Cartoon hi kan zohpiak tawn bal hna maw? Cartoon a si ti men men in na daithlang sual maw? Tutan Franklin Graham nih a langhtermi khi aa fiang ngai ngai.

Bible nih Pa le pa thitumnak (Gay marriage) hi sual tiah a phuanmi a si. Asinain hi Cartoon channel Arthur timi cartoon movie ah pa le pa bak an i thitum ko. Hi bantuk thil hi kan fale nih an zoh ahcun an ruahnak le an thinlung vialte ruahnak kau (liberal) lei ah a hruai dih lai ti hi kan i fian awk a si. Hi kong he pehtlaiin nu dok pa dok pawl belte an i lawm ngai ngai.

Hi kong hi rel chap. 

 Van Hlei Sung Laimi Pathian kan Zumh Ning Kong a Phuan
Van Hlei Sung nih Pathian kan zumhnak kong he pehtlai in bia a chimmi hi a dik kho tuk tiah ka ruah. Laimi zumtu kan dirhmun (context) van zoh lebang ahcun a dik tuk hringhran. Kan lai hlasakthiam minthang Van Hlei Sung nih cun hi ti hin a langhter ‘ Minung pakhat rem lo cu Pathian rem lo si ko. Mizapi nih capo ah hman mi minung te zong soisel le nihsawh khi Pathian soisel le nihsawh si. ;)’ tiah a ti i van tuak tuah u sih. 


Van Hlei Sung nih a langhter mi hi a dik tuk nak cu Laimi hi tam deuh cu kan zia a chia. Mah nak i zei huaha a si lo tiah kan ruahmi cu kan neek i a bia hmanh tha thi in kan ngai duh lo. Kan upat mi cu mirum le mi lianngan deuh lawng khi an si tawn. Hi hi a tak tak le a ngai ngai ahcun Pathian zumhtu khrihfa ziaza cu a si bak loh. Cucaah Van Hlei Sung nih a langhtermi Minung pakhat rem lo cu Pathian rem lo si ko. Mizapi nih capo ah hman mi minung te zong soisel le nihsawh khi Pathian soisel le nihsawh si. ;)’ hi a dik tuk tiah ka ruah. Cun hihi mirang in  a langhter chih.

Nangteh zeitin na ruah ve. Comment van pe ve tuah..

Credit: Van Hlei Sung

Hi kong hi van rel chap tuah ka dua. A tha tuk

Hi Nu hi Laipa caah Nupi ah a Tha Bak Lai (Video)

Note: Laipa ca i Nupi Tha phun Video cu a tanglei bik ah a um lai.

Hi nu te hi zoh lengmang tikah Laipa caah nupi tha te bak a si lai tiah ka ruah. Inn vialte amah nih a sak dih. Inn a sakmi hi special tak tak a si hoi rih. Amah tein zei paoh a tuah i a lim dih cikcek ko. A mui le aa dawh, fel le a fel. Lai pa caah cun hi nu te hi soi awk um lo bak khi  a si lai. Video a tanglei bik ah a um lai.

Nupi Caah A Ttha Bak Lomi Nungak.

Nuva tthitumnak hi voikhat lungthawh ruang ah tuah ding a silo. Thate in ruah cikcek hnu lawnglawng ah tuah ding a si. Kan ttialmi in na nungak umtuning phun hnih in rak zoh. Hibantuk minung a si ahcun tthi bak hlah. Cucaah tthate in rak rel.

Nupi caah a ttha bak lomi nungak pawl cu:

1.Ih a huam taktak mi, saupi ih loin zanah um a hmangmi le a tha a thumi. Hibantuk nupawl hi nupi caah tthit bak lo ding. Nungak ih a huam tukmi pawl hi innchung cawlcanghnak ah ruahnak hmaan a ngeilomi hna an si tiah an chim.

2.Nungak  ziaza ttha a ngei lomi. Hibantuk nungak na ngeih bak ahcun innchung ah i tuk velhnak le bia alnak nan ngei zungzal lai. Nan innchung ah ralpi a thawh na duh lo ahcun nungak ziaza tthalo cu nupi caah tthi bak hlah.

3.Nungak pawl nih tlangval uarmi an ngei cio. Sihmanhselaw tlangval tampi uar a hmangmi cu nupi caah an ttha hrimhrim lo.

Cucaah na ralrin a herh, Nungak lio ah tlangval tam tuk uar a ngeimi cu nutung a si hnu zong ah a ziaza a thleng bal lai lo. Cucaah nupi caah tthi bak hna hlah.

++++++++++++++++++++++++++++++

A dang rel chap

Daling na ngeih lo sual ah helh ning

Nu helh thiamlo caah nu helh ning lam pawl.

1 Nu na helh tikah nangmah na sining tein um. Hihi a biapi tak tak mi asi. Pa tampi hi nu an helh tikah an zia hi aa dang tawn. An duhlo mi hna nu nih a duh ruangah i duh ter ti phun hna in an um tawn mah hihi tuah lo ding asi. Na sining tein um koh.

2 Nan hawi le he nu nan uarmi ai khah tikah zeitin dah na tuah lai? Nu nan uarmi aa khah tikah na hawi le nih hehchet an helh tikah khan nang nihcun hawikom bantuk te khin kom law nangmah sining te khan um koh. Na zia thleng bak hlah. A caan caan ah nai dawh tuk te hna ti law. Na hawi le nakin an uar hmasa deuh lai.

3 Nangmah nakin na hawipa a mui aa dawh tikah zeitin na tuah lai? Na hawipa kha nangmah nakin ai dawh tikah tlawmpal a rak uar khomi asi. Nangmah sinah a kong an hal ahcun a sualnak kong pakhat hmanh chim lo in a tthatnak kong long na chimh lai. Mah ti cun a fel ngaimi na lo lai i, nangmah an uar deuh nak chance kha a sang tak cang.

4.Nu na helh tikah zeibantuk Nu dah na helh lai? Nu na helh tikah hin, nu cheukhat cu ni hnih (2) lawng te hna, zarhkhat lawng te hna ah khin helh cawlh khawh an si. Mah bantuk nu cu helh bak hlah. Na rak helh sual ahcun tthen koh. Nu na helh tikah a thla tampi bak helh mi pawl khi daling ah ngeih tik zongah a nuam mi asi. I tthen tikah lungfah zongah a a fak ko nain a phu ve ko. Lunglen zong a nuam.

5.Nu ka helh lai na ti ahcun nangmah ah ithlen awk tampi a um ve. Na sam, na hmurhmul le na angki tibantuk zong a thami le a thiangmi te naa hruk lai. Na ziaza le na umtu na thlen lo zong ah thianhhlimhnak lei ah biatak tein na zuam lai.

Source: Psycho Rife

Laipa caah Nupi Tha Phun (Video) ka hin a um lai.

Credit: Inspired

Leave a Reply

Your email address will not be published. Required fields are marked *