Trump Siizung In A Chuah Hnu A Biachim Mi Pawl Cu A Mak Kho Tak Tak.

US President Donad Trump cu military Hospital ah Covid 19 treatment pek a si hnu ah White House ah a kir than cang. White House a phanh bak hin White House balcony ah a kal i a face mask cu a chiah riang mang i thumbs-up a pek. thumbs-up lawng siloin salute a pek fawn. White House ah hin Covid 19 zawtnak in a dam lei a pang cuahmah lai tiah zumh a si.

Siizung in a chuah hnu ah Trump nih mipi hmuh khawh dingin biachim nak a nei colh. Mi tampi nih a video zong an zoh cang fawn. A biachim mi pawl cu a tanglei ah kan van thlah. A biachim mi pawl cu a mak bak lo, uar um law law khi a si.

US President Donald Trump nihcun mah ti hin a chim, “Walter Reed National Military Medical Center in ka van chuak bak a si. Coronavirus hi zei bantuk dah a si timi zong tampi aa ka theihter. Hi Covid 19 hi i tei ter (Dominate) hrim hrim hlah u. ttih zong ttih hlah u. Nan tei hrim hrim lai. Medical Equipment nei tha bik kan si. Sii zong a nei tha bikmi kan si.” tiah a chim . Cu lawng siloin Doctor le nurse pawl nih an zohkhenh ning a lunglawmh bia a chim.

A chim rih mi cu , “Ka ngandamnak zong a tha taktak. Immune zong ka si cang men lai, immune ka si cang maw ti tu ka thei lo. Asinain hi zawtnak hi i tei ter hrim hrim hlah uh, vawlei pumpuluk ah sii a nei tha bik ram kan si.” tiah a chim

Hi bia a chim hnu rau lo ah Twitter ah mah ti hin a chim than. “Campaign dingin ka rak kir zau lai. Fake News nihcun Fake Polls sinak lawng lawng a langhter” tiah a chim. A tanglei bik ah a video a um lai.

Video  https://www.youtube.com/watch?v=lN7sliYigBE

Video Credit : The Telegrap