Trump Sizung um lio i a thil tuahmi hi uar um tak tak

US President Donald Trump cu October 1, 2020 zaan ah Covid 19 zawtnak a ngei ve tiah phuan a si nain a umnak Ralkap Sizung ah a si khawh chung in a ram caah rian a ttuan pah peng rih ko, Sizung ah it sawhsawh loin a ram le a mipi caah a ti khawh chung chuah in a cawlcanghnak hmanthlak pawl zong ram mipi hmuh ah a phozar ti asi. Donald Trump cu Covid 19 zawtnak a ngei ve tiah thawngpang a chuah hnu in Innrang pi a chuah tak i ralkap Sizung ah aa conghhram hi a si.

President Trump hi kum 74 a si cang tikah Covid 19 zawtnak cu kum upa caah tihnung deuh a si ko, cu caah President Trump zong hi biatak tein thlacam bomh a herh tiah mi tampi nih cun thlacamnak in biatak tein an bomh peng ve. Ralkap Sizung an phak bak in Covid mizaw zualhma pawl an thlawpbul hna nak REMDESIVIR sii in an thlawpbul colh ve i a tu ahcun dam lei a panh ngai cang, cacawn nikhat ni ahcun Sizung in a chuak kho men lai tiah an chim cang.

President Trump dam lonak kong ah bia tampi a chuak i hi kong he pehtlai in White house Chief of Staff a simi Mark Meadows nih ” President Trump cu a damcak ngai ko, a zualhma hrimhrim lo, dam lei a panh ko tiah an tial. A si nain a zawtnak hi a dam rih lo, cu pin ah a taksa zong nih a tuar pah ngai caah biatak tein thlawpbul cuahmah a si ko rih” tiah a chim ve.

A taksa khuasih cu a tha deuh, cun a mah President Donald Trump zong nih ka dam chin lengmang caan rau lo te ah Sizung in ka chuak kho ko lai tiah Video in mipi sin ah biachimnak zong a ngei ve. Atu tiang ahcun a umnak Sizung zong nih a ram le a mipi caah a si khawh tawk tein a cawlcang i rian a ttuan rih ko tiah Economic, Fox nih cun an tarlangh. Atu cu sizung tiang in a chuak ve cang, lawmh a um tuk hringhran. Source: VOM