Trump Thazaang petu cu pakhat hnu pakhat harnak an tong thluahmah cang

Trump thazaang petu cu pakhat hnu pakhat harnak an tong thluahmah cang. Tulio Social Media a control tu pawl hi huat an tlai kho tak tak. Facebook, Instagram siseh Twitter tiang ah Republican le Trump thazaang petu pawl cu an account cu thahpiak an tong lengmang ko. Twitter ah Trump thahpiak a ton hnu bak in Trump lu le ban a simi minung pawl thah piak an si than. An chim ning ah hi minung pawl nih buainak fortu an si lai tiah zumh a si caah a si tiah an ti. Asinain republican le mi tampi nih cun nuhrin covo duhmi bia chim phuannak covo an buar an ti ve. Tutan ah Joe Biden US President in phuah ding tiah a dirpi tu account zong thahpiak a tong ve hoi.

Joe Biden Impeachment tuah ding in biatung dirh a timtu House Rep. Marjorie Taylor Greene (R-Ga.), cu QAnon na bawnh hna tiin Twitter nih account an thah piak ve.Blak Lives Matter lio ah inn bauh, inn khangh le thilfir mi pawl an hnulei in a bawmtu hna Democrats pawl cu twitter nih zei aa theihter hna lo. Asinain an rem lomi hna le Republican bawmtu hna cu an ka an phih hna. Source: Salai Lairamthang