Tu lio vawleipi thlalang awng ram zei maw zat nih van cung le vawlei ah mipi an ven khawhnak ding le bomb meithalpi kuan rak khamh khawhnak ding hriamnam tha an pek cang,

Global Myanmar Students hna nih Protest ropi tak in ngeih ding ah October 15 ah an ngeih lai,

Myanmar Student Union hruaitu hna Committee nih cun October 15 ah hin” World Students’ Day ” ah hin Global Myanmar Students Protest ngeih tim asi, Allied Revolution Force hna he tangti in ram pumpi ah lungawi lo nak lannghter ding in lamzawh/protest ropi tuk in hmun kip ah tuah tim asi.

October 15 in ni 23 tiang zar khat chung ah kan um ceu nak hmun hma hna ah, asi khawh chung in le a rem ning in hma la kasi lai, ram chung hmun kip ah Students hruiatu hna an tuaktan ceu lai, lam zawh protest tuah ding ah hin, student mi ral tha hna nih anrak ken tawn mi Flag ken ceu asi lai.

Mah an Flag ken tawn (Khut Dawng Flag) ah hin, can kal liam cang lio British san lio ah in, akan uk tu hna lak ah, kan zam bal lo timi langhter peng kha asi, mah Flag bak cu hmang in atu zong ah, Global Myanmar Students Protest ah tel ceu ding in sawm dih kan si fawn, ning cang lo in nawlngeihnak hmang in, Junta ralhrang hna cawlcang ning hi donghter ding ah kan dih lak in sawm kan si tiah cathanh ah an langhter mi asi.

Nato & Western ram hna nih hriamnam tha turu taktak mi le Air defence athar in Kyiv an pek cang,

NATO le western partners hna nih Ukraine thazang thar hriamnam tha turu taktak mi le Air defence tiang an bawm cang lai, boaruak arit deuh deuh ko lai, zei thil dah achuak te lai timi cu mah le pumpak ruahnak asi ko, Russia nih an tuar khawh lo ah cun achim peng bang in Nuclear weapons hriamnam lek ding long hi a lungput asi cang rua??

France nih Ukraine cu 3 LRU MLRS (modernized M270) an pek cang lai,

Germany nih Panzerhaubitze 2000 self-propelled guns & Mars-2 MLRS Ukraine hi an pek than lai,

Canada nih Ukraine 500 thousand units ralkap thlasik Uniform ding, artillery shells & satellite communications an pek cang fawn lai,

The Netherlands nih Ukraine anti-aircraft missiles 15 million euros man hrawng an pek ve cang lai,

The head of the OP Yermak nih Ukraine boruak ven nak ding ah, new air defense systems a buaipi cang fawn,

NATO nih 100 drone jamming stations Ukraine an pek cang fawn lai tiah- Stoltenberg nih a chim,

Spain nih Ukraine Hawk air defense systems 4 an pek cang fawn lai,

Ukraine-nih Nato tang ah an lungrualpi hna nih cun, Russia-nih Ukraine faktuk in an doh kah lio in, van sang lei ah iven khawhnak ding hmanrua cu Kyiv a bawm than lai,

UK, Canada, France le Netherlands ram hna nih hriamnam an pek ding mi chung ah hin, missile le radar zong a tel cang tiah an ti, A hmasa ah US zong nih hi bantuk hi bawm ding ah anrak ikam cang kha asi, Germany-nih hriamnam tha tuk mi apek cu, Ukraine a phan cang fawn khi asi.

Nato headquarters, Brussels khuapi ah Ukraine lei bawmtu ram 50-hna an meeting nak ah hin, bawm ceu ding ah bia chah nak an ngei fawn cang tiah thawng thanh asi fawn cang, Kyiv nih mah vialte bawmnak thil tampi an ngah cang mi le an ngah tan ding kong ah lawmnak bia a chim ve cawlh khi asi.

UK nih cun air defence missile a pek cang hnu pin ah hin, Ukraine-nih bia dang a herh mi hna le hmanrua pek chuah lio ah, hmun dang dang hna ah an va hman ding, Aerial drone a pek fawn lai, A hmasa ah howitzer artillery gun 64 a pek cang pin ah, 18 dang a pek than fawn lai tiah an phuan cawlh cang.

Defence Secretary Ben Wallace nih, “Russia-nih naite ah faktuk in, Ukraine-ah mipi umnak building an bomb chiat pin ah sualnak ngei lo, civil nunnak tampi an lak mi cu, rapthlak taktak khi asi, minung nunnak saram bantuk an rel maw asi?? Tiah ram tampi nih fak ngai ngai in an soisel hna khi asi cang nain, umzia angei lem lo caah, atu ah cun West le NATO ram hna nih chanh ding in Ukraine cu fakpi in an bawm ve cang lai khi asi.

Mah hriamnam vialte hna hi Ukraine ram ah aphan dih cang ah cun, Ukraine cu vansang lei aven khawh cang pin ah, missile lak zong ah an iven nak azia deuh ko cang lai, Brussels-ah meeting ngeih hnu ah, US Defence Secretary Lloyd Austin nih, “Ukrainian-hna nih an hman san tlai ding ah, an herh mi poh poh cu tuah piak khawh ding ah ready kan si, kan bawm peng lai ati.

French President Emmanuel Macron zong nih Paris in Ukraine ah hin, air defence system an kuat ding ah achim fawn cang, France 2 television- an hal nak ah zei bantuk hmanrua dah a pek lai timi amin cu achim lo nain, an tim bik cu drone-he thuatnak lak ah mipi venhimnak hmanrua asi kong a chim, Netherlands zong nih £13 million man vansang lei in, missile- kahnak lak ah iven khawhnak pek ding achim fawn.

Dutch Defence Minister Kajsa Ollongren nih Russian-nih an thuatnak cu, Ukraine le an mipi hna himnak ruah piak le bawm hi kan ti khawh taw kasi tiin a chim, Canada zong nih ralkap lei thil cawknak ding ah, $34 million man hrawng abawm ding kong achim fawn, mah chung ah hin, satellite communication le drone camera zong a tell ai tiah ati.

Ukraine ralkap hna nih nizan ah khan Germany lei in IRIS-T SLM an pek ding kong aphuan fawn, mah hmanrua hmang in an ram cu ‘ralhrang hna lak ah’ ven khawh asi lai tiin a chim, President Volodymyr Zelensky nih thla tampi kal liam cang ah khan, Ukraine tuanpi tu hna sin ah hin, an ram cu boruak lei in an thuat nak lak ah iven hi an herhtuk mi thil asi tiah an chim hna khi asi.

Ukrainian hruaitu nih, “Russian ralhrang hna an cawlcang ning, afaktuk chinchin lio ah, vawlei nih hin Ukraine himnak ding ah, ivennak a herh bik mi cu Europe ram chung ah asang bik lio can asi, Russia nih Ukraine tuanpi tu hna nih Kyiv sin ah, bawmnak an kuat cu duh lo in, an hrocer cawlh ati, February 24 in atu tiang mipi nih an tuartuk cang, thlanglei ram hna nih hin, Ukraine an bawm ruang ah, Moscow nih hin naite ah Putin nih achim peng fawn hnu ah, ralkap le hriamnam tampi an sung fawn tik ah hin, nuclear hman hi an duh ngai ngai tiah achim fawn.

Elon Musk zong nih Ukrainians Starlink ah a bawmnak SpaceX ngeitupa nih hin $80 million a dih cang, kum dih lei ah cun $100 million a lonh lai, Ukrainian army boss Valerii Zaluzhniy’s nih 8k Starlink terminals a hal chih nain, SpaceX boss nih hin Ukraine nih tangka an ngeih lo ruang ah hnawn pia kasi, the Pentagon nih zei maw zat tal in bawm ding in an nawl.

The Kremlin “America nih Ukraine Air Defense System an pek ah cun idohnak hi asau rih ko lai pin ah atuar ning afak deuh lai ati,

Mah an bawm mi hriamnam hna cu Putin nih atheih bak in hiti hin bia achim kho, America nih Ukraine Air Defence System an supply ah cun idohnak asau rih ko lai, Cun fak pi in Ukraine nih an tuar chinchin lai, nain mahruang ah hin, kan goal tim mi a dang ter lai lo, Special military operation goal vialte kan hlawhtlin hlan tiang, kan kalpi peng ko lai a her can tiang kan kal lo lai tiin arak phuan ve.