Tuni BIDEN, US President ca i Biakamnak tuah lio i Bible Ca Cang Lakmi hi Van Rel

Tuni khan US President thar caah le a voi 46 US President si dingin Biden nih biakamnak a tuah. Biakamnak a tuah ah hin Bible ca a hman ve. Bible ca  hmanmi hi hlanlio Bible bang nganpi a hman. An family Bible ca a si tiah chimceih ngai a si. Biden hi RC biaknak in US President a tuanmi a voi 2nak a si.

Cun US President vialte lakah a tar bik asi fawn. A kum hi 78 bak  a si. Tuni Biden biachimnak ah Bible ca cang a hman ve. Biden nih a bible ca cang lakmi kan langhter hlan ah tuni Biden biachimmi tlawmpal kan van langhter lai.

Tuni US President thar thimnak ah Biden nih “Democray nih teinak a hmuh” tiah a langhter. Naite US capitol i buainak kong ah mawhchiatnak bia tampi a chim. Tuni ah Trump hi a chim cia bantuk in  a lang duh bak lo i Florida i a umnak inn Mar Lago lei ah caan a hmang diam.

Vice President Mike Pence tu nih mithmai panh tuk lo tein a telpi hna. Tuni ah vawleicung hlasakthiam minthang pawl Jennifer Lopez le Lady Gaga hna nih US ram hla dawh an sak fawn. Cun tuzan 8 pm ah hin America Special timi zan riah dumttinak le caan hmannnak a um lai i Hollywood minta Tom Hank nih caan a hruai lai.

Tuni ah Biden nih Bible ca cang a lak hlan deuh te ah Tutan vawleicung a buaitertu Covid virus kong a chim. Hi hnu hin Bible ca cang pakhat Salm 30: 5 nak a lak. Hi bible ca cang hi Biden nih a biachimnak ah hin a langhter.

Salm 30:5 nak i aa tial mi cu ‘A thinhun cu caan tawite chung lawng a si; a thatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra than ve’ timi Salm cauk chung ta hi  a lak.

Biden nih Bible cacang a lak mi chung ah online khrihfa tampi nih lih le hrawkhrol in teinak hmumi tiah an soisel i an lung a tling lo ngai ngai ve. Source: Christian Today