Tuni Kawl Ralkap Pawl Sual Ning Kha Cu

A tulio khuasik ah police bak nih mipi pawl ti a toih dih hna. Apoi taktak ko police bak nih Naypyitaw ah ralkap duhlo nak alanghter tu mipi hna cu miitat (meithat) mawtaw bak in ti in an kah hna. Mi cheukhat cu hliamhma tiang an tuar ti asi. A poi bak ko. Hitluk tiang mipi nih duhlo nak an langh ter lio ah mipi harnak le hna hnawh nak cu police nih an rak pek ve hoi hna. Tuni sandahoiah tu hna hi nidang nak in an tam khun ii mi zong an lung aa rual kho taktak.

Hi bantuk duhlonak sandah piah hi lung rual tein mipi an ttan ii an piah peng asi ahcun nikhat khat ahcun an tei te kolai. Myanmar ram mipi au aw cu vawlei cung ram vialte nih atheih cang caah an zoh sawhsawh ve lailo. Hitluk in ralkap kan duhlo, kan ram hidaihnak leng koseh tiah an piah lio hi bantuk police nih mipi hna hnawhnak apek hi cu a poi bak ko. Hi bantuk mitat mawtaw in an kah nak aruang cu mi phu tthen tthial an duh hna caah le sandahpiah ngol hna seh tiphun in an i timh ruangah asi.

Mipi lei zong an thin ahung ngai ngai ti asi. Zeitluk hmanh in hna hnawh nak um ko sehlaw kan doih lai iia dongh tiang thazaang kan la kolai tiah an chim. teinak petu cu Bawipa ta si hram koseh. Zoh tikah thinlung a fah ter tuk, police pawl zong lung fimnak Bawipa nih pe ko hnaseh.