Tutan Debate ah Tuluk kong ah Mike Pence le Kamala fak tak tak in bia an i Al

Tutan US rampi ithimnak ding i Vice President debate cu zoh a nuam law law khi si. Minutes 90 chung bak debate an tuah. Sau lak tlangtaar phun phun an i al. Tuluk kong zong fak ngaiin an i al. Democratic lei in Vice President aa cuh dingmi Kamala Harris nih cun  Trump ruang ah Tuluk he kan i pehtlaiihnak vialte a rawk dih i rian 300,000 bak kan sung. Kan ram pi a tthawnnak ding a hrawh. American mipi nih Trump hruainak tang ah thil tam tuk a sung tiah a chim.

Hi kong he pehtlaiin in Mike Pence nih cun  Covid 19 hi Tuluk ruang ah a si i Trump zong hi kong ah hi a lung a tling lo. Tuluk nih a thil tuah man a liam hrim hrim lai tiah raltha tak tak in lehnak a tuah. Kamala nih cun Covid 19 khamnak sii hmanh hi va ser hna selaw Trump nih a chimmi cu ka ei lai lo tiah a ti. Kamala nih hin Tuluk hi a tanh deuh i Tuluk ram ruang ah American tampi nih rian le nunnak tam tuk an sung tiah a dirpi. Asinain Pence belte nih Tuluk nih American rian tampi a lakpiak i Trump tu nih hin biatak tein sungh cangmi rian cu lak dingin aa zuam i cawlcang peng. Tuluk hi Covid-19 kong zong ah mawh phur tu ding a si tiah a ti.

Mike Pence le Kamala Debate ah Khuaruahhar thil Pakhat a Cang (Relchap)

Tutan V-President hna i debate ah khuaruahhar thil pakhat a cang. Debate tha tein a zohmi nih cun kan theih dih ko lai. Debate lio pi ah tho cu Mike Pence lu ah aa fu. Cubantuk tho cu a mak ngai ve. Tutan bantuk US rampi le vawleicung mipi nih an zohnak ah aa dawh pah lo ngai. Tho hna cu ka i va um ve reng reng cu thil khuaruahhar cu a si ve.

Tho hna rak um reng reng cu a mak ngai ve. Debate an tuah cuahmah lio ah tho cu Vice President Mike pence sam ah aa fu. Zoh a nuam lo ngai. Social Media ah mi tampi nih biatak ngai in Mike Pence cu an phomh colh. A sam hi a thut tuk caah tho aa fu i si. Amah hi zeilei paoh ah zumhawk aa tlak lomi mi thu a si caah tho tiang debate lio ah aa fut hi a si tiah biatak ngai in an phomh. Cun Tutan US rampi Presidential debate cu zoh a nuam kho tak tak khi si. Tutan ah V President a tuan lio mi Mike Pence le Democrats Vice President i aa pemi Kamala timi nu an si.Covid-19 tawlrelnak kong zong ah fak tak tak in an i phomh.

Democratic V-President ca i a dirmi Kalama nih cun Donald Trump cu fak tak tak in sual  phawt. American mipi nih cun tutan covid kong ah US President ram hruainak nih sunghnak nganpi a ton ti hi a theih. Minung tam tak tak an thi. January 28, khan  US President Trump le Vice President hna hi covid -19 tih a nunnak kong cu chim an si ko, Tihnung tuk Virus a si ko nain zeihmanh US mipi an in chim hna lo. Ralrin khawh tuk khi a si. An theih ko nain thei lo bantuk in an um. Tuni tiang hi planning thathi zong an ngei lo tiah a ti. Mike Pence nih cun hi ti hin lehnak a tuah colh.

 

Tutan hi kan ram pi nih harsatnak le buainak tak tak khan ton ko. Asinain kan ram mipi pawl cu hi hi theih hna seh ti ka duh.  Virus aa thok kaa a ni khat nak Ni bak khan Trump nih American mipi pawl ngandamnak hi pakhatnak ah a chia hrim hrim ko. Covid case 5 zong a um  hlan ah khan American president Trump nih President dang vialte nih an tuah ballomi thil a tuah. Tuluk ram in khualtlawng vanlawng vialte a kham dih.

Vawleicung i economy 2 nak a si mi. Tak tak le ngai ngai ti ko ahcun Joe Biden nih hin hi thil hi a duh lo. Hi thil hi miphun thleidannak a si tiah a ti. Hi thawng hin American nunnak tam tak tak a chanh. Testing zong tam tak tak tuah a si. Covid sii zong biatak tein a hramthok te khan buaipi colh a si tukum dih hrawng cun hmuh dingin timhtuahnak zong aum  tiah a ti.

Debate zoh a duhmi caah a tanglei link hin van zoh.