UK PM Boris nih Russia cu fak nawn in a hrocer bak ko, UK Embassy tuan mi zong an lak chuah ve cang,

UK Embassy Ukraine khuapi Kiev Embassy staff hna cu auh asi cang, US le UK cu atu bantuk in Embassy staffs hna cu an lak chuah khi asi cang, PM Boris Johnson nih Vladimir Putin cu a hrocer chih, idohnak achuah taktak ah cun, zawtnak, buainak, thisen tampi le Lian ngai chuahnak aphan te lai tiah ati, Boris nih hin Milton Keynes, Hospital a va kal, NATO ministers hna nih Brussels ah Russia invasion ah thil phan khawh ding an tuaktan hna cang, Boris nih cun The Kremlin nih Ukraine cu ‘new Chechnya’ bantuk asi khawh lai timi theih cia ding ah an cah hna, “Intelligence bia kan ngah hnu in a fiang ko cang ati, Russia nih Battle Group 80 hrawng an chiah cang, faktuk in idoh/kah an timh timi cu afiang tuk cang ati.

Kiev hi nganh an tim lo, The Kremlin le Russia nih hin mah chiatnak faktuk aphan hnga ding mi hi an hmuh cia dih khiu asi, Russia Ukraine invasion a phan ah cun thisen faktuk in achuak lai, afak tuk lai thazang chuah mi zong asang chinchin lai, Russia ni an theih ding cu Ukraine hi Chechnya thar asi khawh” Russia raldohnak lawng rual Naval Drill ngei ding in, Ireland’s southwest coast, in mel 150 ah a chiah, Putin’s spokesman Dmitry Peskov nih NATO nih Russia ramri nainak ah anrak ichiah mi hna cu, an ralkap hna nih an zoh sawh sawh lai lo, Ireland Foreign Minister Simon Coveney nih an ram pawngte ah, Russia raldoh lawng an dirter thup hna cu an welcome tiin Russia cu a chimh, Russia nih January – February Naval Exercise raldoh lawng 140 le ralkap 10,000 hna he, all of its naval fleets that will take place in the Atlantic, Pacific, Mediterranean, North Sea & Sea of Okhotsk ah an ngei lai.

Russia Ukraine invasion a phan ah cun UK economy zong nih atuar ve ko lai, Minister hna nih an ngaih ven ngai ngai cang, A bikin Gas le petrol man hna a sang ngai ko lai, Western pawl nih Russia an sanctions ah cun Europe gas lak luh mi 35% hrawng cu Russia supply mi asi, Russia gas pipeline nih Belarus -Poland -Germany a pal tlang khi asi, Nord Stream pakhat hi  Germany kal tlang in Ukraine ah a lut mi asi fawn, Britain nih ram dang in gas an lak lut ko hmanh ah, Russia nih Europe lei ah gas lut lo ding in an tuah ah cun harsatnak tampi an tuar ko lai tiah news report ah langhter asi.