Ukraine tension asang chinchin cang caah ithuat anai deuh taktak ko cang Canada nih Special Force Ukrain ah aluhter cang UK nih Anti-tank weapons apek fawn cang,

Nihin ah khan UK nih Ukraine sin ah Anti-Tank Missile zei maw zat an kuat lut cang tiah an langhter cang, Global News tar lan ning in Canada zong nih an Special Force cu luhter asi cang fawn, operators contingent Ukraine ah an ngeihter cawlh asi cang, atu bantuk in West le East cu idoh ding in ready an si cang tiah news site ah langhter asi, zar hmasa ah khan Russia & Ukraine tension ruang ah vawi 3 tiang West le Russia ai awh hna nih hmun dang dang ah itonnak an ngeih ko cang nain, zei hmanh tlamtlingnak an ngei lo caah An ihrocer veve kha asi, Russia nih ralkap 100,000 le Tanks, Heavy Artilleries hmang in exercise an ngei cuahmah lio asi fawn cang khi asi.

United States nih Russia he ibiakchawnhnak an ngeih hnu in, itonnak an ngeih than ko hmanh ah zeihmanh tlamtlingnak a um ti lai lo tiah analysts hna nih an chim, Russia nih hin Ukraine hi an thuat taktak ko lai tiah an zumh fawn, atu ah Canada nih Special forces Ukraine ah an kalter nak nih hin, Russia invasion a phan ah cun Canada diplomats pawl lak chuahnak ah a tel cawlh lai, Mah thawngpang hna ruang ah hin Canadian Special Operations Forces Command’s spokesperson nih zei hmanh achim rih lo, Canadian Foreign Minister Melanie Joly Kiev ah a cam lio asi, Ukrainian Prime Minister Denys Shmygal he hma lak ning ding hna ceih an si tiah thei asi.

Russia he Tension asang lio bak ah Britain zong nih Ukrain sin ah anti-tank weapons an pek fawn hna, Ukraine ruang ah West le East hna karlak ah tension a san lio bak ah, London nih Kiev si ah anti-tank weapons zei maw zat an suppy bak khi asi fawn, Russia nih zeihmanh achim rih lo, British defence secretary Ben Wallace nih UK Parliament sin ah Russia nih Ukraine an thuat sual ah, anmah hna ivennak dig ah “short-range” weapons zei maw zat an suppy tiah a achim, UK nih hin adang tein Ukraine hi ralkap hmag i bawm atim lo hmanh ah, “self-defence” caah an hertuk mi “Ukraine invasion aphan sual ah, an ram chung ah Tanks akal ah cun mah hriamnam he anrak iven nak ding ah anti-tank weapons cu “self-defence” caah kan supply mi asi ati.

Kamensk-Shakhtinsky region ah mining exercise an ngei peg cag, Russia ralkap 100,000 tanks, heavy artillery hna tampi an dirter cang khi asi, Kiev caah cun thin phannak asi ve ko cang, UK cawlcangnak nih hin Russia thin ahunter ve ko lai, The Kremlin nih zei dah arak chim te lai? Russia hi hriamnam lei ah a ropi ngai ko nain economics ah an sangtuk lem lo khi asi, mah caah cun raldoh hi an duhtuk lem lo nain atu tan ah cun athin ahun ve ngai caah zei thil dah achuahter hnga kan zoh te ko lai cu?