Ukrainian nungak note hna tuar ning cu Russia ralkap hna nih an tlaihhrem hnu ah rapthlak tak in thah cawlh asi tawn mi cu lung fakpi lo awk tha lo bak khi asi,

Russia le Ukraine karlak buainak kal peng ah Russia ralkap hna cu Ukraine nu hna lak ah, an cawlcang ning cu arapthlak tuk cang tiah news dang dang hna ah hmuh ding atam ngai ngai ko cang, Minung diknak covo timi nih umzia ngei lo khi asi cang ko, Nu hna cu nu sinak upat piaknak le himnak um lo bak in Russia ralkap hna nih an hmuhnak poh ah duh tawk in ihpi/tlaihhrem asi hnu ah thah taw nasi timi hi thuh pheh khawh asi ti lo, ahmutu hna nih an chim ning ah cun chungkhar hna an um ko hmanh ah, upat tihzahnak ngei bak lo in an mit hmuh ah an sualpi tawn, zeihmanh chim ngam ding asi lo, thih le dam kar lak ah um kan si, aho nih dah soisel ngam lai, kan nungak hna cu saram dir hmun bantuk asi lo zei hmanh Right an ngei lo tiah ahmutu taktak hna nih atu bantuk in Media hna sin ah arak chim mi asi.

International Criminal Court (ICC) chief prosecutor nih Bucha cu Upadi/dan buarnak hmunpi asi, rapthlak ngai ngai in Russian ralkap hna nih civil mi hna lak ah an cawlcang mi cu, zoh ngam zong asi lo, tlaihhrem pin ah thah asi tawn mi cu vawlei cung ah thil rapthlak bik mi tuahsernak asi tiah achim, Russian troops hna nih civilians 100 leng tlaihhrem asi hnu ah an thah dih hna tiah arak phuan ko, Ukrainian Nungak note hna chung ah kum 16 asi mi Karina Yershova cu Russian ralkap kut tuar mi chung ah a lar bik mi pakhat asi, Karina Yershova hi Russian nih hin an tlaihhrem hnu ah zangfahnak tel bak lo in, a lu ah meithal he an kah nak ah athluak hna tiang apher dih tiah report ah langhter asi, zangfak tuk khi asi.

Mah nungak note Yershova hrintu nu ahawi nu Olesya Vasylets nih Facebook ah Karina Yershova cung ah, Russia ralkap hna cawlcang ning le rapthlaktuk tiah atimi cu arak post khi asi, Karina cu cathiam le talent ngei tha ngai mi asi tiah chim in, a cung ah thil cang mi ah hin Russian ralkap hna cu faktuk in asoisel hna fawn, Cun social media ah an aupi cuah mah tiah langhter asi, Yershova hi thla hmasa March ah khan an umnak theih lo in atlau an hmuh hmahnung bik cu, March 10 kha asi, A nu nih a fanu a kawl hmuh khawhnak ding ah, mi dang hna sin ah bawmnak ahal ko hmanh ah, a fanu a hmu than ah cun lungfak nak long an ngah khi asi ko tlaihhrem hnu ah alu ah kah asi ruak long ahmuh.

Ukrainian MP Lesia Vasylenko zong nih Karina hi Russian ralkap hna nih tlaihhrem asi hnu ah alu ah meithal he an kah taktak ko tiah tweeter ah tweet a tuah fawn, Ukrainian President Volodymyr Zelensky nih Wednesday ah khan Kyiv le Bucha hna ah nu hna le ngakchiah hna tuarnak cu afaktuk hringhran ko tiah fiangte in confirmnak atuah tiah achim, Interior Ministry nih Russia ralkap hna nih Kyiv an luh hnu ah minung 720 leng nunnak aliam cang pin ah minung 200 nak tam hi an umnak theih asi lo an tlau tiah arak phuan cang fawn, Bucha building tang ah Ukraine nu 20 leng hna cu, Russia ralkap hna nih ni zei maw zat chung hren asi, zan chiar in Russia ralkap hna nih an sualpi/tlaihhrem asi, mah chung ah nu 9 hna cu fa an puai tiah report ah langhter asi, arap thlak taktak ko e.