US Bawmhnak ‘Stimulus Check’ Kong Updates

Zahan naite khan US ram i Covid 19 ruang i US mipi ca i bawmhnak kong ah Trump nih a lungput a rak langhter. Pumpak pakhat ah $ 600 te lawng a simi kha Trump nih $ 2000 tal pek an si lo cun ka duh lai lo ti bak in a langhter. $ 600 pek ding tiah hnatlakmi kong ah Trump a lung a tling bak lo. Cucaah atu tiang cu thawngpang tha a si chin lengmang. Tangka bawmhnak cu a um hrimhrim lai ti cu aa fiang cang. Asinain atu hi $ 2,000 tiang bak pumpak nih an hmuh khawh nak lai Trump aa zuam cuahmah lio pi a si.

President Donald Trump nih American mipi minung pakhat ah Stimulus check $600 telawng pek nan timhmi hna hi a tlawm tuk ka lungtling lo, minung pakhat ah $2000 tal cu nan pek hna ding a si, nan pek duh hna lo ahcun $900 billion relief bill nan chuahpi mi hi VETO power ka hman khawh tiah tu zanlei ah a tlerh hna. Congress nih zahan zan i an pass cangmi $900 billion bill cu atu tiang minsen a thu duh rih lo.

President Trump nih Congress [ Senate+House ] nih nan chuahpi mi bill $900 billion hi remh than ulaw, minung pakhat $600 nan pek mi hna hi minung pakhat ah $2000 tal pe hna uh, nuva nih $ 4000 tal co ding in bill chuahpi ulaw min ka thut colh lai tiah a ti hna. Bill nan chuahpi mi $900 billion chungah Coronavirus he a pehtlai lomi, a herh lomi, phaisa heu sawsawh mi nan telh chihmi hi nan remh dih a hau tiah a ti.

“American ngunkhuai tax a pemi nih $600 lawng ngah i, phung loin a ummi, illegal family nih $ 1800 tiang co khawh ding cu a fair lo tukmi a si” tiah President Trump nih a ti.Cucaah Congress nih $900 billion an chuahpi cu zohfelnak ngeih than dawh an si caah minung pakhat nih $600 nak tam deuh hmuh khawh a si kho. Source: Salai Lairamthang 

Relchap:- UK ah Covid 19 Phundang le Rang tak tak i chonh khawhmi an Hmuh 

World Health Organisation (WHO) nih United Kingdom (UK) ah Covid-19 phundang a thar in a chuak than tiah an chimmi kongah UK official hna cu biaruahnak a neih pi hna tiah theih asi. Report cheukhat nih an tarlangh ning ahcun UK ah a thar chuak mi hi covid-19 pulrai a hmasa mi he a phun ai dang deuh i, tutan ah a chuak mi hi a karhning a rang deuh i, sinain a thazaang a thawng lo deuh i ttih cu a  nung lo deuh tiah an chim.

Prime minister Bois Johnson le scientist hna nihcun an ram coronavirus phundang a chuak mi hi a hmasa i a chuakmi nak in 70percent hrawng in a karh ning a rang deuh i, asi nain ttihnung lo deuh i, covid-19 vaccine serchuah mi zong mah caah hin a that chih an zumh nak kong an chim. A thar hi a karh a ran deuh ruangah hin England nitlak chaklei London khuapi zong rikhiah umlo in kharkhumhnak faak deuh in tuah than asi.Hi kharkhumhnak hi can zeimaw chung cu kalpi a haut e lai tiah health minister Matt Hancock nih cun a chim. UK ah coronavirus phundang a karh cuahmah timi chimrel a um ruangah hin nizan khan Netherlands nih UK in vanlawng an ram ah luh a khap than i, hi khapnak nih hin hmaikum January 1 tiang a nguh lai ti asi. Source: Daily Mail