US Capitol i Meithal Kah i a Thimi Nu nih a Thih Hlan te i Bia a Chimmi Video

Video zong a tanglei ah a um lai. 

Zahan naite US Capitol i buainak i athimi Ashli Babbitt nih cun a thi hlan deuh te ah video aa thlak ta mi langhter a si cang. Ashli Babbitt hi US Air Force i rianttuan balmi a si. Trump thazaang a petu tak tak pakhat a si ve. Zahan naite US cozah innpi US Capitol i buainak ah khan a kal ve. US Capitol inn chung in Congress pawl itonnak khan (Congressional Chamber) cu thlalang awng kuai mi lei in luh a timh bak ah Palik nih a ttang ah an rak kah. A thi colh .

A thih hlan deuh te hin lampi ah hi bia hi a chim. Minung tam tak tak angki sen le blue zawng hruk in kan kal hna. Minung 3 million nak tam cu kan si lai. Pathian nih American dawttu thluachuah pe seh tiah a chim. A chim tlawmpal hnu i buainak ah hi meithal i kah in a nunnak a liam. Source: Daily Mail.

Video ka hin van zoh ve.

Relchap:- Zahan US Thil Cangmi Kong ah US Hawitha Israel a Holh Ve Cang 

 Israel ram Prime minister Benjamin Netanyahu nih cun, Capitol i US mipi cawlcanghning cu Democracy nunphung he aa kalhmi a si caah US le Israel ca ah tumchuknak phunkhat a si, tiah US Treasury Secretary Steven Mnuchin sin ah a chim.Hi lio ah hin Netanyahu nih cun US president Trump cu a thil ti that ruang ah a fak thiamthiam rih ko. November thla US ram president thimnak ah vote firpiak buainak kong ah raltha taktak in a doh peng rih. Asinain, US attorney general William Barr, Trump nih rian a pekmi pa nih cun, hi vote firpiak kongkau ah hin zeihmanh fianhnak taktak a um lo, tiah a chim ve.Benjamin Netanyahu, Israel PM nih cun,” Capitol i thil cangmi hi ningzak ngai a si, fakpi in kan doh awk zong a si, Chan saupi cu America ram democracy phunglam hi ram tampi le Israel zaohchunh mi a rak si, phungning lo in cawl le tharum thawh hi US le Israel he cun aa ralkalh mi a si,” tiah a chim. US Treasury Secretary Steven Mnuchin zing nih,” Capitol i tharum thawhnak cu America ram ca ah cohlan a har tuk hringhran,” tiah a chim ve.

Israel Defense Minister Benny Gantz zong nih,” Washington in hmanthlak kan hmuhmi cu zumh a har tuk hringhran, democracy i zumhnak a ngeimi vialte thinlung a fahter,” tiah a chim ve. French President Emmanuel Macron zong nih,” Washington i kan hmuh mi cu zumh a fawi lo, hi thil cang hi American he aa tlak lo taktak mi a si, America democracy phunglam hi kan zumh taktak mi a rak si,” tiah a chim ve. UK prime minister Boria Johnson zong tweeter lei ah a hung au colh ve,” United States hi vawleicung hmun kip ah democracy dirkamhtu a si zungzal tawn, cu ca ah nawlngeihnak i hlanh chin hi a biapi tuk mi a si,” tiah Trump cu a mawhchiat.Hilio ah hin US ral a si zungzal mi Iran president Hansan Rouhani lung a awi tuk rua,” US show cu a mak hringhran ko, hi nih hin khuathlang ram democracy thatlonak a langhter, vawlei fimnak ah thangcho ko hna hmanhsehlaw an cozah uknak phunglam a thurhnawn ning a lang,” tiah a chim ve.  Source: The Jerusalem post