US le Russia ichawnhnak ah hin remdaihnak lei si lo in boaruak sangtertu deuhdeuh khi asi caah Russia nih ramri ah hriamnam turu taktak an chiah mi hna cu atutan langhter asi lai,

United States nih Ukraine pawng ah Russia ralkap an chiah hnu ah Europe chak lei ram hna venhimnak ṭha deuh a um khawhnak hnga tiah US nih ralkap Poland le Romania-ah US ralkap 3,000 an kalter tiah US official nih achim, US president Joe Biden nih Europe chak lei ah America ralka an kalter cu, Pentagon nih cun NATO tang ah tuanpi le venhim ding ah kalter an si tiah ati, Russia nih Ukraine thuat atim tiah puhnak cu apheh peng, nain Ukraine ramri ah hin ralkap 100,000 leng an chiah cang khi asi, Pentagon nih Vilscek, Gemany-ah um lio US Stryker squadron member 1,000 hrawng cu Romania-ah chiah asi lai, Fort Bragg, North Carolina-ah 82nd Airborne Division service member 1,700 hrawng cu Poland-ah kalter in, Fort Bragg in service member 300 hrawng cu Germany-ah kalter asi fawn lai.

President Joe Biden nih Russia president Vladimir Putin sin ah bia achim mi cu faektein ka dirpi peng ko tiah chim asi,”Thazang hmang in hma la kasi chung cu, NATO hawihna le Europe chak lei hna he kan um ve ko tiah theihter kan tim mi asi, tiin achim, Russia deputy foreign minister Alexander Grushko nih cun US cawlcang ning hi remdaihnak tuahtu si lo in buainak sangtertu asi tiah achim pin ah, US-nih ralkap an kalter mi hna ruang ah boaruak tha lo chuahtertu asi,  ralkap le ralkap idohnak nih hin remdaihnak asiter kho ball ai lo iremnak ding ah lam pittu asi tiah fak nawn in Biden ahrocer, nain Biden nih iremhnak lei holhka angei lo caah Russia nih cun ramri hna ah hriamnam thatha anrak chiah ve deuh deuh khi asi, mah lio ah hin NATO secretary-general Jens Stoltenberg nih US ralkap an kalter cu lawm um ngai asi tiin achim ve fawn, NATO nih cun atuanpi mi ram hna he venhimnak cu aherh ning in kan kalpi peng lai tiah ati ve bak.

Russia nih US cawlcang ning cu faktuk in an soisel hnu ah atu bantuk in Ukranine ramri ah hriamnam a phunphun hna anrak chiah chih peng cang khi asi, nihin tiang zei bnatuk hriamnam hna dah anrak chiah cang kan zoh lai :-

Russia hriamnam phunphun Ukraine pawngkam hrawng ah an chiah mi hna cu:-

Russia’s cutting-edge Armata tank, Max speed 90km/hr, Weight 48 tonnes, 2A82-1M Cannon, APS SystemMounted unmanned turret, Detects, intercepts & destroys missiles, Sarmat, newest inter-continental ballistic missile, Weight 10 tonnes, Max range18,000 km, Unpredictable routes, Nuclear-capable, Flies to bypass missile defence, Mi-28NM ‘Havoc’ helicopter, Max range 260 miles, Max speed282mph, Heat-seeking missiles 30mm cannon, Anti-tank missiles, Radar, mah hriamnam hna hi turu taktak mi hna an si, apoinak cu hriamnam min hna hi Chin holh in kan ngei lo caah aning tein miring ca in kanrak tialchih mi asi nakan theithiam piak ding ah careltu hna kan nawl.