US nih raldohnak hmun ah an chiah ding mi hriamnam vialte phanter dih asi cang ani le acan belte hngah asi ko cang,
US F-15E jets hna nih Amari base northwest Estonia an phan dih cang, Danish jets 4 hna Lithuania an phan fawn cang, Major General Joerg Lebert, Chief of Staff Headquarters Allied Air Command, Germany nih cun NATO Alliance hna Exercises ngei pah in Ukraine Tension ah an duty fawn lai, US Hriamnam Bulpi nih Ukraine aphan dih cang, Anti-tank Javelin Missile ah hin Vladmir Putin min an tial dih, Good morning Biden nih Russia incursion lak ah Ukraine bawm ding – US cargo planes 3 hna zong Kyiv khuapi aphan cang fawn, 300 anti-tank Javelin missiles, launchers, hardware dang dang hna tampi cu nihin ah khan aphanter cuahmah ko cang caah, idohnak ding nithla belte fiang rih lo khi asi cang ko.
US president Joe Biden nih Russia president Vladimir Putin cu fak nawn in hrocer asi cang, Russia-nih Ukraine a thuat asi ah cun Russia zong nih an tuar ding mi hi afaktuk ko lai tiah ati, economy lei tiang an tuar ko lai ati, President Putin lak ah zong ah hren/phih asi lai kong achim piak fawn, Joe Biden nih hin Tuesday ah khan national security team-hna meeting ngeih piin, Russia cawlcang ning hna ceih asi, mah hnu ah News agency hna akawmnak ah, Biden nih cun Russia ralkap hna cu Belarus ramri ah an um pengrih ko tiah ati, “President Vladimir Putin sin ah cun ahmasa zong ah fiang ngai in achim cang, Ukraine an luh taktak ah cun tuarnak cu afak ngai ko lai timi arak chim piak cang khi asi, economy lei hren pin ah eastern front lei, Poland, Romania le hmundang ah NATO ralkap um zat mi zong chiah chih peng asi lai tiin a chim.
US nih hin Europe-ah NATO ralkap hna bawm ding ah hin, aherh can ah cawl khawh cawlh ding in, ralkap 8,500-hna cu ready ter an sicang, Ukraine pawng Belarus cu Russia-nih Ukraine ram thuat an timnak ah an bawm ah cun arankhawhnak chung in a let cawlh lai tiin, US nih a hrocer cawlh, mah lio ah hin US nih Ukraine-ah America ralkap le NATO ralkap hna aher ah cun chiah asi lai tiah Biden nih ati, Khua thlang lei ram hruaitu dang hna zong nih, Ukraine an thuat bak ah cun Russia nih aman apek aher lai tiah ati fawn, Russia nih Ukraine he an karlak boruak cu US le Allies hna ram boaruak chiattertu asi lai tiin achim, mah lio ah hin Russia nih Ukraine ramri pawng ah ralkap tingkhat hrawng an chiah lio khi asi.
US nih hin ahmasa zong ah mah ram hna hi anrak hren/phih cang hna, Syria president Bashar al-Assad, Venezuela hruaitu Nicolas Maduro le Libya hruaitu hlun Muammar Gaddafi hna an si, Biden nih Russia-cu Ukraine a thuat ah cun personal in Russia President Putin hren/phih asi lai ati, Britain prime minister Boris Johnson zong nih Europe ram hna cu Russia-nih Ukraine a tuaht asi ah cun Russia hren/phih ding ready cia asi ati, Russia- Ukraine aathuat ni lala ah hren/phih cawlh asi lai ati, Spain nih Russia cu Ukraine cu ralkap thazang hmang in athuat asi ah cun economy lei ah hren/phih nak cu ka support lai ati ve fawn.