US Palik Pa Pakhat Nih Trump A Dirpi Ning Cu A Pui Law Law.

Kum 2016 thimnak an rak ngeih lioah celebrities tampi nih president trump an duhlonak an rak langhter. Mah lio I an chim tam cem mi cu Trump hi president caah an thim si cun USA ka chuaktak lai tiah an rak au. Mahlio ah hin mipi lei zong kan khuaruah har ngai ciau khah. Thimnak a hung dihin trump nih teinak a hmuh tak tak, nain tuni tiangah USA chuahtakmi celebrities an um rihlo!. President trump an dohkalh ning le dirawnh ning hi cu a liamcia president vialte lakah an um rih lailo dah ti awk bak si so.

2020 thimnak zong ngeih than asi cang la. celebrities cheukhat nih cun fak ngaiin president trump an sawisel hawi cang. Hi kong he pehtlaiin Ohio sheriff Richard Jones zong a um sawh sawh kho tilo, “ president Trump nih teinak a hmuh than ah cun USA ka chuahtak lai timi vialte cu an kalnak man keimah hrim nih ka liam piak hna lai” tiah nek ngaiin Ca tlang a chuah.

Ca tlang hi sheriff official facebook account hmangin a tial I, a chim ning ning ah cun “President hi thim than asi ah cun America ka chuahtak lai tiah celebrities hna nih an duhlonak an langhter than. Hi thil hi a launcia kum 2016 zongah an rak chim cang mi a si. Tuni tiangah a ho hmanh America chuahtak mi an um ka theilo. Tu kum zongah a liamcia caan I an chim bantuk tein an chim than. President trump hi thim than si cun America ka chuahtak lai tiah a chimmi celebrities hna cu an kal man keimah nih ka liam piak hna lai. cun an thilri timhlamh piak nak zongah ka bawmh fawn hna lai” tiah a a tial.

Kan hnu sept thla zongah khan mipi sinah warning arak pek bal cang hna, a chim ning ah cun palik cawlcangh ning nan buar dih. palik nan kah cun an in kah ve hna lai timi rak I thei u, a luancia caan vialteah law enforcement officer pawl nan tuaitam tuk cang, mah thil hi a um ka siang ti lailo” tiah arak chim bal cang fawn. Source : Lahnimnews