US President Donald Trump Nih Dr.Fauci Cu “Mi Hrut” Bak A Ti Cang.

US President Donald Trump nih Monday ah khan Las Vegas i a hotel campaign conference an neih nak ah Dr. Fauci cu Mihrut “Idiot” tiah a auh bak ko. Covid 19 thawngpang rum ro theih cu mipi nih an celh ti lo, an baa tuk cang tiah Dr.Fauci le a pawl le cu a phomh hna. Hi bantuk in Doctor pawl a phomh nak a ruang hi dr.Fauci nih Trump cu a soisel caah a si.

Kan hnu deuh ah khan US president Donald Trump cu mipi hmai ah aa langh. A pawng kam i ummi mipi hna nih Mask zong an i vuah lo. Mah cacun Dr.Fauci nih Donald Trump nih Covid 19 zawtnak a kai zong hi ka khuaruah a har bak lo tiah a soisel ngaingai. Hi bia a chim hnu hin Donald Trump nih Las vegas a hotel Conference campaign an neih nak ah Dr.Fauci cu mihrut tiah a ti ve. Mipi nih Dr.fauci le a pawl le cu mipi nih an neng tuk cang, an bia an ngai huam ti lo tiah a chim. US President Donald trump nih hin Dr.Fauci thil kal pi ning cu a soisel ngaingai.

Cu lawng siloin, Trump nihcun Dr.Fauci nawl hi ngai ning usihlaw US mipi 700,000 in 800,000 nunnak a liam cang lai tiah a chim. A tu ah hin US ah Covid 19 ruang ah minung 220,000 nunnak a liam cang. Dr. Anthony Fauci hi American physician, director of the National Institute of Allergy and Infectious Diseases si lio mi asi.

Source : News18