US raldohnak Lawnglian le raldohnak Jet fighter tampi phur khawhtu “USS George H.W Bush” nih Europe Rilipi ah a luhter cang,

US-NATO le Russia karlak boruak hi Ukraine buainak ruang ah, Vawlei boruak asang ngai ko cang fawn, thaizing ah zei thil dah aphan te lai timi hi aho hmanh nih an chim khawh ti lo, Tu zar ah US raldohnak lawng lian, raldohnak van lawng tampi phur in, “USS George HW Bush” nih Europe tipi arak lut cang in, NATO ram nih “Steadfast Noon” tiah Nuclear Strikes Training a ngeih lio ah NATO ram hna ven ding in, a cak/thawnnak le thil tikhawhnak langhter in, arak lut khi asi ko cang, cun, hi Steadfast Noon si deuh lo, “Operation Neptune” timi, can sau lo te chung ah tangrual timi pawl jet fighters pilot hna nih, boruak ah raldohnak (air-to-air combat mission) an kalpi khawhnak ding ah hmalak nak phun khat asi.

NATO chief Jens Stoltenberg nih, NATO ram hna cu boruak le vawlei ah tiang in, ram a venhim lai khi asi, cu bantuk ding ah cun boruak, vawlei le tipi hna ah kan kan ready cangzia langhternak asi fawn ati, mah idohnak lawnglian le Jet Fighter van lawng hna hi, US fighters F-16s, F18 jets hna nih cun, Europe chak lei in Lithuania le Poland ram boruak hna cu, Mupi vate bantuk in aphun phun in akhup thal in an zuang hna lai, NATO member ram boruak venhim ding ning lam hna zohternak asi lai, Poland chak lei Russia ramri naite zong ah an kal hna lai khi asi fawn.

USS George HW Bush aircraft carrier nih hin jets 70 leng, helicopters le van lawng dang hna a phur tel fawn, nuclear warhead kap chuak khawh missile hna zong tampi phur tel asi fawn, Sky News nih mah Strike Group carrier lawnglian hruaitu, Commander  Rear Admiral Dennis Velez cu, zei ruang dah Europe tipi ah narak luh tiin, bia a halnak cu, “Kan nungak tlangval hna nih zei bantuk raldohnak zong a rak um ko hmanh ah, zeitik can poh ah thuat/doh khawh ding ah ready peng a sizia, langhternak pakhat asi pin ah, idohnak tawpter kan duh, Ukraine-ah le Europe-ah remnak le hna ngamnak umse kan duh tiin a leh.

Adang an hal than nak ah, “Ral dohnak umsual selaw zeitin dah nan cawl cang lai?” timi cu, “Hi raldohnak lawng hi Strike Group a si bantuk in le kan tuantinak bantuk in, nichiar in raldoh ding ah ready peng asi timi hmuhsaknak asi tiah a leh fawn, USS George HW Bush lawng nih hin ralkap raldoh khawh minung 5,000 a phur tel chih fawn, Cold War adai cang hnu ah hi aircraft carrier turu buru tuk mi hi, vawi 3 long Europe ram tipi ah NATO pawl venhimnak ding bik ah arak luhter khi asi.

Russian raldoh lawng 2 hna zong nih a himnak zawn ah, hi USS George HW Bush aircraft carrier strike group-nih Europe khua mualpi pan in, Rilipi rak sut tlang in arak lut mi kha asi, thil umtu ning zoh pah le hlatthlai tu hna nih arak zulh ve peng fawn khi asi, Rear Admiral Valez nih cun Italy ram pawng ah, Andriatic Sea tipi zong ah, Russian raldoh lawng 2 hna cu kan hmu ati, zeitin hmanh kan ti lo, Russian raldoh lawng hna zong nih international waters tipi cung ah an tuah ding mi tuah in an kal khi asi ati.

CBS Evening News nih cun, US-nih Ralpi vawi 2 nak hnu ah, a vawikhat nak “US Special Forces” 101st Airborne Division, Kentucky state in ralkap 1000 leng hna cu, Ukraine ramri in mile 5 te ah, Romania ram chung ah a herh ah cun, raldoh khawh ding in a chiah lut cang, mah hi naite ah Russia nih nuclear hmang ding ah arak chim tawn ruang ah, US Special Forces hna nih hin raldoh mai khawh ding in, “Neptune Strikes” live-training excircise cu, vawlei lei ah ngeih lio asi, US F-22 Raptors, Euro fighter jets, Poland’s F-16s le SU-29 fighters hna he, raldoh nuncan cawn le training drill tuah cuah mah asi cang tiah ati.